'நான் சொல்றதை கட் பண்ணாம போடுங்க.. முக்கிய அறிவிப்பை வெளியிட்ட யோகிபாபு..!
- IndiaGlitz, [Tuesday,August 29 2023]
காமெடி நடிகர் யோகி பாபு ஹீரோவாக நடித்த ’லக்கிமேன் என்ற திரைப்படம் செப்டம்பர் ஒன்றாம் தேதி ரிலீஸ் ஆக இருக்கும் நிலையில் அவர் இன்று செய்தியாளர் சந்திப்பு கூட்டத்தில் கலந்து கொண்டார். அப்போது அவர் ஒரு கட் பண்ணாம போடுங்கள் என்று வேண்டுகோள் விடுத்து ஒரு முக்கிய தகவலை வெளியிட்டுள்ளார்
’லக்கி மேன்’ என்ற இந்த படத்தில் நடித்தவர்கள், பணிபுரிந்தவர்கள் எல்லோரும் உண்மையில் லக்கிமேன்கள் தான். இப்படி ஒரு கதை அமைந்தது எங்களுக்கு மிகவும் மகிழ்ச்சி.
வாழ்க்கையில் நான் மிகவும் அன்-லக்கியாகத்தான் சுற்றி கொண்டிருந்தேன். சினிமாவுக்கு வந்த 23 வருடங்கள் ஆகிறது. இந்த 23 வருடத்தில் எனக்கு சமீபகாலமாகத்தான் நல்ல இயக்குனர்கள் சேர்ந்துள்ளதால் லக்கி ஆகியுள்ளேன். இந்த படம் எனக்காகவே செய்தது போல் உள்ளது.
மேலும் இப்போது நான் ஒரு விஷயம் சொல்கிறேன் தயவுசெய்து கட் பண்ணாம போடுங்கள் என்று கூறிய அவர் ’எனக்கு சோறு போட்டது காமெடி தான், கடைசி வரைக்கும் நான் காமெடியனாக தான் தமிழ் சினிமாவில் இருப்பேன். மற்ற மொழிகளிலும் காமெடி கேரக்டருக்கு என்னை அழைக்கிறார்கள், அதிலும் நடிக்க உள்ளேன்.
ஆனால் அதே நேரத்தில் பாலாஜி மாதிரி, அஸ்வின் மாதிரி ஒரு சில இயக்குனர்கள் என்னை வைத்து நல்ல கதையோடு வரும்போது என்னால் தட்ட முடியவில்லை, அந்த ஒரு சில படங்களில் மட்டும் நான் ஹீரோவா நடிக்கிறேன், ஆனால் கண்டிப்பாக நான் கடைசிவரை காமெடியாக தான் நடிப்பேன், காமெடி தொழிலை நான் விட்டு விட மாட்டேன்’ என்று கூறினார்.
யோகி பாபு, வீரா, ரெபாக்கா, ஆர்எஸ்வாஜி உள்ளிட்ட பலர் நடிப்பில் உருவான ’லக்கி மேன்’ படத்தை பாலாஜி வேணுகோபால் இயக்கியுள்ளார். வீரா இந்த திரைப்படத்தில் காவல்துறை அதிகாரியாக நடித்துள்ளார். சீன் ரோல்டன் இசையில், சந்தீப் விஜய் ஒளிப்பதிவில் மதன் படத்தொகுப்பில் இந்த படம் உருவாகியுள்ளது.
#YogiBabu | "கடைசி காலம் வரை காமெடியனாக தான் நடிப்பேன்"pic.twitter.com/y3nnj3lhah
— Senthilraja R (@SenthilraajaR) August 29, 2023