விக்ரமுடன் வேலை செய்யும்போது மன அழுத்தம் இல்லை. பிரபல இயக்குனர்
- IndiaGlitz, [Monday,April 17 2017]
சீயான் விக்ரம் இன்று தனது 51வது பிறந்த நாளை கொண்டாடி வருகிறார். அவருக்கு திரையுலகை சேர்ந்தவர்கள் நேரிலும் தொலைபேசியிலும் இணையதளங்கள் மூலமும் வாழ்த்து கூறி வருகின்றனர். இந்த நிலையில் விக்ரம் நடித்து வரும் திரைப்படங்களில் ஒன்றான 'துருவ நட்சத்திரம்' படத்தின் இயக்குனர் கவுதம் மேனன் தனது சமூக வலைத்தளத்தில் 'விக்ரமுக்கும் பிறந்த நாள் வாழ்த்து கூறியதோடு உங்களுடன் இணைந்து பணிபுரிவதால் மன அழுத்தம் இல்லாமல் இருக்கின்றது' என்று கூறியுள்ளார்.
இந்நிலையில் 'துருவ நட்சத்திரம்' படத்தின் இரண்டாவது டீசர் அவருடைய பிறந்த நாளை முன்னிட்டு இன்று வெளியாகியுள்ளது. இந்த டீசர் ஏற்கனவே கடந்த சில மாதங்களுக்கு முன் வெளிவந்த டீசரின் தொடர்ச்சி என்பது குறிப்பிடத்தக்கது.
ரகசிய உளவுத்துறை அதிகாரியாக விக்ரம் நடித்து வரும் இந்த படத்தில் ரிது வர்மா மற்றும் ஐஸ்வர்யா ராஜேஷ் ஆகியோர் நாயகிகளாக நடித்து வருகின்றனர். இந்த படத்தின் பெரும்பாலான காட்சிகள் கவுதம் மேனனின் ஆஸ்தான படப்பிடிப்பு தளமான அமெரிக்காவில் குறிப்பாக லாஸ் ஏஞ்சல்ஸ் மற்றும் நியூயார்க்கில் நடைபெற்று வருகிறது.