கிரிக்கெட் உலக ஜாம்பவான் சச்சின் தெண்டுல்கரின் வாழ்க்கை வரலாறு திரைப்படமான 'சச்சின் எ பில்லியன் டிரீம்ஸ்' திரைப்படம் வரும் 26ஆம் தேதி தமிழ், உள்பட பல மொழிகளில் இந்தியாவின் அனைத்து மாநிலங்களிலும் வெளியாகவுள்ளது. உலகம் முழுவதும் பெரும் எதிர்பார்ப்பை ஏற்படுத்தியிருக்கும் இந்த படத்திற்கு கேரளா மற்றும் சத்தீஷ்கர் மாநில அர்சுகள் வரிவிலக்கு சலுகை அளித்து உற்சாகம் அளித்துள்ளன

இந்த படத்தை அனைத்து மக்களும் பார்க்க வேண்டும் என்ற நோக்கில் வரிவிலக்கு அளித்துள்ளதாக கூறப்படும் நிலையில், தமிழகம் உள்பட இன்னும் ஒருசில மாநிலங்கள் விரைவில் வரிவிலக்கு சலுகை அளிக்கும் என்றும் எதிர்பார்க்கப்படுகிறது.

மேரி கோம், தோனி உள்ளிட்டோரின் வாழ்க்கை வரலாறு திரைப்படம் போலவே இந்த படமும் மிகப்பெரிய வெற்றி அடைய வேண்டும் என்று படக்குழுவினர் இரவுபகலாக புரமோஷன் பணிகளில் ஈடுபட்டு வருகின்றனர். 200 நாட் அவுட் புரொடக்ஷன்ஸ் நிறுவனத்தின் தயாரிப்பில் ஜேம்ஸ் எர்ஸ்கின் இயக்கத்தில் உருவாகியிருக்கும் இந்த திரைப்படத்தில் சச்சின் தெண்டுகல்கரே தனது வேடத்தில் நடித்துள்ளார் என்பது குறிப்பிடத்தக்கது. இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைத்துள்ளார்.