பிரபல நான் குணச்சித்திர நடிகர் சாயாஜி ஷிண்டே மருத்துவமனையில் அனுமதிக்கப்பட்டு உள்ளதாகவும் அவருக்கு இதயத்தில் அடைப்பு இருப்பதாகவும் கூறப்படுவது பெரும் அதிர்ச்சியை ஏற்படுத்தியுள்ளது.

மகாகவி சுப்பிரமணிய பாரதியாரின் வாழ்க்கை வரலாறு திரைப்படமான ’பாரதி’ என்ற திரைப்படத்தின் மூலம் தமிழில் அறிமுகமானவர் நடிகர் சாயாஜி ஷிண்டே. இதனை அடுத்தவர் அஜித் நடித்த ’பூவெல்லாம் உன் வாசம்’ ரஜினிகாந்த் நடித்த ’பாபா’ விக்ரம் நடித்த ’தூள்’ விஜய் நடித்த ’அழகிய தமிழ் மகன்’ உட்பட பல திரைப்படங்களில் அவர் வில்லன் மற்றும் குணச்சித்திர கேரக்டர்களில் நடித்துள்ளார்.

கடந்த ஆண்டு வெளியான ’அகோரி’ என்ற படத்தில் கூட அவர் ஒரு முக்கிய கேரக்டரில் இருந்தார். தமிழ் மட்டுமின்றி மலையாளம், கன்னடம், தெலுங்கு, ஹிந்தி உட்பட பல மொழி திரைப்படங்களில் இவர் நடித்துள்ளார்.

இந்த நிலையில் திடீரென சாயாஜி ஷிண்டேவுக்கு நெஞ்சுவலி ஏற்பட்டதாகவும் இதையடுத்து அவர் தனியார் மருத்துவமனையில் அனுமதிக்கப்பட்ட நிலையில் அவருக்கு இதயத்தில் அடைப்பு இருந்தது கண்டுபிடிக்கப்பட்டதாகவும் தெரிகிறது. இதனையடுத்து உடனடியாக அவருக்கு ஆஞ்சியோபிளாஸ்டி சிகிச்சை மேற்கொள்ளப்பட்ட நிலையில் தற்போது அவரது உடல்நிலை சீராக இருப்பதாக மருத்துவர்கள் கூறியுள்ளனர்.

#sayajishinde Latest Video pic.twitter.com/X6wubFaTVN

— Manjari (@mazhil11) April 12, 2024