close
Choose your channels

அடுத்தடுத்து வெளியாகும் 'வலிமை' அப்டேட்டுக்கள்: அஜித் ரசிகர்கள் குஷி!

Wednesday, December 1, 2021 • தமிழ் Comments

தல அஜித் நடித்த ‘வலிமை’ திரைப்படம் வரும் பொங்கல் தினத்தில் பிரமாண்டமாக உலகம் முழுவதும் வெளியாக உள்ளது என்பதும் இந்த படம் மிகப் பெரிய எதிர்பார்ப்பை ஏற்படுத்தி உள்ளது என்பதும் தெரிந்தது.

இந்த நிலையில் இந்த படத்தின் புரமோஷன் பணிகள் சமீபத்தில் தொடங்கிய நிலையில் அடுத்தடுத்த புரமோஷன் குறித்த தகவல்கள் வெளியாகிக் கொண்டிருக்கின்றன. குறிப்பாக ‘வலிமை’ திரைப்படத்தின் 2வது சிங்கிள் பாடலின் புரமோ இன்று இரவு 7 மணிக்கு வெளியாகலாம் என்றும் இந்த பாடல் நாளை வெளியாகலாம் என்று கூறப்படுகிறது.

அதேபோல் ‘வலிமை’ படத்தின் டிரெய்லர் வரும் 9-ஆம் தேதி வெளியாக இருப்பதாக கூறப்படுகிறது. அடுத்தடுத்து ‘வலிமை’ திரைப்படத்தின் அப்டேட்கள் வந்து கொண்டிருப்பதாக வெளிவந்திருக்கும் தகவல்களால் அஜித் ரசிகர்கள் குஷியில் உள்ளனர் என்பது குறிப்பிடத்தக்கது.

அஜித், ஹூமா குரேஷி, கார்த்திகேயா, சுமித்ரா, யோகிபாபு, புகழ், உள்ளிட்ட பலர் நடித்த இந்த படத்திற்கு யுவன்ஷங்கர் ராஜா இசையமைத்து வருகிறார். நீரவ் ஷா ஒளிப்பதிவில் விஜய் வேலுக்குட்டி படத்தொகுப்பில் உருவாகி வரும் இந்த படத்தை போனிகபூர் மற்றும் ஜீ ஸ்டுடியோ நிறுவனம் இணைந்து தயாரித்து வருகின்றன.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz