close
Choose your channels

அமிதாப்பச்சனுக்கு திடீர் உடல்நலக்குறைவு: மருத்துவர்கள் தீவிர சிகிச்சை

Friday, October 18, 2019 • தமிழ் Comments

பாலிவுட் சூப்பர் ஸ்டார் அமிதாப்பச்சனுக்கு கடந்த 15ஆம்  தேதி நள்ளிரவில் திடீரென உடல்நலக்குறைவு ஏற்பட்டுள்ளதையடுத்து அவர் கடந்த மூன்று நாட்களாக மும்பையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார். தீவிர சிகிச்சை பிரிவுக்கு இணையான தனி அறையில் அவருக்கு சிகிச்சை அளிக்கப்பட்டு வருவதாகவும் அவரது உடல்நிலை தற்போது சீராக இருப்பதாகவும் மருத்துவர்கள் தெரிவித்துள்ளனர். இருப்பினும் அவரைப் பார்க்க குடும்ப உறுப்பினர்களை தவிர வேறு யாருக்கும் இன்னும் அனுமதி வழங்கப்படவில்லை என தகவல் வெளியாகியுள்ளது.

நடிகர் அமிதாப்பச்சன் கடந்த 1982ஆம் ஆண்டு ‘கூலி’ என்ற படத்தில் நடித்தபோது அவருக்கு விபத்து ஏற்பட்டது. இதற்காக சிகிச்சை பெற்று வந்த அமிதாப்புக்கு 'ஹெப்பாடிடீஸ் பி' வைரஸ் உள்ள ரத்தம் ஏற்பட்டுள்ளதாக கூறப்படுகிறது.

இதனால் அவரது கல்லீரல் பாதிக்கப்பட்டு அதன்பின் பலமுறை அவர் உடல்நலகுறைவால் அவதியுற்று வருகிறார். இருப்பினும் தொடர்ந்து திரைப்படங்கள் மற்றும் தொலைக்காட்சி நிகழ்ச்சிகளை தொகுத்து வழங்கும் பணிகளை செய்து சுறுசுறுப்பாக இருந்து வந்தார் என்பது குறிப்பிடத்தக்கது.
 

Get Breaking News Alerts From IndiaGlitz