చిరు అల్లుడితో చిన్నారి పెళ్లి కూతురు!!
- IndiaGlitz, [Thursday,March 12 2020]
తెలుగు ప్రేక్ష‌కుల‌కు చిన్నారి పెళ్లి కూతురు అనే అనువాద సీరియ‌ల్‌తో పరిచ‌య‌మైన అవికాగోర్.. తొలిసారి రాజ్‌తరుణ్‌తో క‌లిసి ఉయ్యాల జంపాలా సినిమాతో హీరోయిన్‌గా ఎంట్రీ ఇచ్చింది. తొలి చిత్రంతోనే ప్రేక్ష‌కుల హృద‌యాల‌ను కొల్ల‌గొట్టిన ఈ బ్యూటీ త‌రువాత మ‌రికొన్ని సిన‌మాల్లోనూ న‌టించింది. అయితే ఈమె కేవ‌లం ఓ రేంజ్ యూత్ హీరోల సినిమాల‌కే ప‌రిమిత‌మైంది. ఆలోపు ఈమెకు సినిమా ఫీల్డ్ గురించి మ‌రింత లోతుగా తెలుసుకోవాల‌నే కోరిక రావ‌డంతో సినిమాల‌కు గ్యాప్ ఇచ్చేసి స్క్రిప్ట్ రైటింగ్‌, ద‌ర్శ‌క‌త్వ విభాగాల్లో శిక్ష‌ణ తీసుకుంది.
మ‌ళ్లీ రీ ఎంట్రీ ఇచ్చిన ఈ అమ్మ‌డుకి తెలుగులో రాజుగారిగ‌ది 3 చిత్రంతో అవ‌కాశం త‌లుపు త‌ట్టింది. అయితే ఆ సినిమా అనుకున్నంత‌గా స‌క్సెస్ కాక‌పోవ‌డంతో అవికాగోర్ మ‌రో సినిమాలో న‌టించ‌లేదు. అయితే సినీ వ‌ర్గాల్లో విన‌ప‌డుతున్న స‌మాచారం ప్ర‌కారం చిరంజీవి చిన్న‌ల్లుడు క‌ల్యాణ్‌దేవ్ హీరోగా శ్రీధ‌ర్ సీపాన దర్శకత్వంలో ఓ సినిమా రూపొందుతోన్న సినిమాలో అవికాగోర్ హీరోయిన్‌గా న‌టించ‌నుంద‌ట. రీసెంట్‌గా క‌థ విన్న అవికా గోర్ సినిమాలో న‌టించ‌డానికి ఓకే చెప్పింద‌ట. పాత్ర కోసం బ‌రువు కూడా త‌గ్గ‌డానికి అవికా ఓకే చెప్పేసింద‌ని అంటున్నాయి ఇండ‌స్ట్రీ వ‌ర్గాలు.