ADMK பெயர் மாற்றம். அதிகாரபூர்வ அறிவிப்பு
- IndiaGlitz, [Saturday,January 02 2016]
மலையாளத்தில் சூப்பர் ஹிட் ஆகிய 'பெங்களூர் டேய்ஸ்' திரைப்படம் தமிழில் ரீமேக் செய்யப்பட்டு வருவது அனைவரும் அறிந்ததே. இந்நிலையில் இந்த படத்திற்கு 'அர்ஜூன் திவ்யா மற்றும் கார்த்தி'' என்ற டைட்டில் வைக்கப்படவுள்ளதாகவும் இந்த டைட்டிலை சுருக்கி ADMK என்று கூறப்படுவதாகவும் செய்திகள் வெளிவந்தன.
ஆனால் தற்போது இந்த படத்திற்கு 'பெங்களூர் நாட்கள்' என்ற டைட்டில் வைக்கப்பட்டுள்ளதாக அதிகாரபூர்வ அறிவிப்பு வெளிவந்துள்ளது. அதுமட்டுமின்றி இந்த படத்தின் டைட்டிலுடன் கூடிய போஸ்டரும் இணையதளங்களில் வெளிவந்துள்ளது.
ஆர்யா, ஸ்ரீதிவ்யா, பாபிசிம்ஹா, ராணா, ராய்லட்சுமி, பார்வதி, சமந்தா, சரண்யா பொன்வண்ணன் மற்றும் பலர் நடிக்கும் இந்த படத்தை பாஸ்கர் இயக்கி வருகிறார். கோபிசுந்தர் இசையமைக்கும் இந்த படத்தை பிவிபி நிறுவனம் தயாரித்து வருகிறாது.