பிக்பாஸ் சீசன் 1 நிகழ்ச்சியில் கலந்து கொண்ட ஜூலியும் பிக்பாஸ் சீசன் 4 நிகழ்ச்சியில் கலந்து கொண்ட சோம்சேகரும் ஏழு ஆண்டுகளுக்கு முன்பே நண்பர்கள் என்ற தகவல் தற்போது அனைவருக்கும் பெரும் ஆச்சரியத்தை அளித்துள்ளது

பிக்பாஸ் சீசனில் 1ல் கலந்துகொண்ட போட்டியாளர்களில் ஒருவர் ஜூலி என்பது தெரிந்ததே. ஜல்லிக்கட்டு போராட்டத்தின் மூலம் தமிழகம் முழுவதும் புகழ் பெற்ற இவர், இந்த நிகழ்ச்சியில் கலந்துகொண்ட போது இவர் மீது மிகப்பெரிய எதிர்பார்ப்பு ஏற்பட்டது. ஆனால் இவரோ ஓவியாவுக்கு எதிராக செய்த ஒரு சில சதி காரணமாக இவரை ரசிகர்கள் வெறுக்கத் தொடங்கி விட்டனர். இதனை அடுத்து அவர் விரைவிலேயே போட்டியில் இருந்து வெளியேற்றப்பட்டார்

அதேபோல் பிக்பாஸ் சீசன் 4 நிகழ்ச்சியின் போட்டியாளர்களில் ஒருவர் சோம்சேகர் என்பதும் இவர் கடைசி வரை தாக்குபிடித்து இறுதிப் போட்டியிலும் கலந்து கொண்டார் என்பதும் குறிப்பிடத்தக்கது

இந்த நிலையில் பிக்பாஸ் ஜூலி மற்றும் சோமசேகர் ஆகிய இருவரும் இணைந்து எடுத்துக்கொண்ட புகைப்படத்தை ஜூலி தனது இன்ஸ்டாகிராம் ஸ்டோரியில் பதிவு செய்துள்ளார். இந்த புகைப்படம் ஏழு வருடங்களுக்கு முன்பு எடுக்கப்பட்டது என்றும் அவர் குறிப்பிட்டுள்ளார். அப்படி என்றால் ஏழு வருடங்களுக்கு முன்பே ஜூலியும் சோம்சேகரும் நண்பர்களா என்ற கேள்வியை கமெண்ட் பகுதியில் ரசிகர்கள் எழுப்பி வருகின்றனர்,