பிக்பாஸ் நிகழ்ச்சியில் கலந்துகொண்ட தாமரைச்செல்வி நடிக்கும் திரைப்படம் குறித்த அறிவிப்பு சமீபத்தில் வெளியான நிலையில் இந்த படத்தின் பர்ஸ்ட் லுக் போஸ்டர் வெளியாகி இணையதளங்களில் வைரலாக வருகின்றன.

பிக்பாஸ் தமிழ் சீசன் 5 நிகழ்ச்சியில் கலந்து கொண்ட போட்டியாளர்களில் ஒருவர் தாமரைச்செல்வி என்பதும் இவர் மிகவும் சிறப்பாக விளையாடி இறுதிவரை நிகழ்ச்சியில் தாக்கு பிடித்து விளையாடினார் என்பது குறிப்பிடப்பட்டது.

பிரியங்கா உள்ளிட்ட சக போட்டியாளர்களிடம் இவர் சண்டை போட்டாலும் உடனடியாக அந்த சண்டையை மறந்து அவர்களிடம் நட்பு பாராட்டும் குணம் கொண்டவர் என்பதும் வெள்ளந்தியான இவரது குணம் பார்வையாளர்களுக்கு மிகவும் பிடித்தது என்பது குறிப்பிடத்தக்கது.

இந்த நிலையில் பிக்பாஸ் நிகழ்ச்சி முடிந்தவுடன் பிக்பாஸ் அல்டிமேட் நிகழ்ச்சியில் கலந்துகொண்ட தாமரைச்செல்வி அதன்பின்னர் பிக்பாஸ் ஜோடி என்ற நிகழ்ச்சியிலும் கணவருடன் கலந்து கொண்டார்.

இந்த நிலையில் தாமரை செல்வி ஒரு சில படங்களில் நடிக்க ஒப்பந்தம் செய்யப்பட்டதாக கூறப்பட்ட நிலையில் தற்போது அவர் நடிக்கும் படங்களில் ஒன்று ‘ஆழி’ என்று அறிவிக்கப்பட்டுள்ளது. சரத்குமார் ஹீரோவாக நடிக்கும் இந்த படத்தில் தாமரை முக்கிய வேடத்தில் நடித்து வருகிறார் என்பது இந்த படத்தின் போஸ்டர் தற்போது வைரலாகி வருகிறது என்பது குறிப்பிடத்தக்கது.
 

View this post on Instagram

A post shared by Thamarai Selvi (@thamaraiselvisarathy_official)