பிக் பாஸ் சீசன் 4 டைட்டில் வின்னரான ஆரி, அதன் பின்னர் ஒரு சில திரைப்படங்களில் நடிக்க ஒப்பந்தமாகி உள்ளார் என்பதும் ரசிகர்களை நேரில் சந்தித்து நன்றி கூறினார் என்பதும் தெரிந்ததே. மேலும் அவர் தனது சமூக வலைத்தளத்தில் ஆக்டிவ்வாக உள்ளார் என்பதும் அவ்வப்போது ரசிகர்களின் விருப்பத்திற்கு இணங்க புகைப்படங்களை பதிவு செய்து வருகிறார் என்பதும் குறிப்பிடத்தக்கது

அந்த வகையில் தற்போது அவர் தனக்குப் பிடித்த புகைப்படம் என்று ஒரு புகைப்படத்தை பதிவு செய்துள்ளார். திருவண்ணாமலையில் தூய்மை பணியாளர்களுடன் அவர் எடுத்துக் கொண்ட புகைப்படத்தை தனது இன்ஸ்டாவில் பதிவு செய்துள்ளார். இந்த பதிவில் அவர் கூறியபோது ’நான் விரும்பி எடுத்துக்கொண்ட புகைப்படம் இது. குப்பை போடுபவர்களை விட அதை சுத்தம் செய்பவர்களை உயர்வானவர்கள். இதை கொரோனா காலத்தில் உலகிற்கு உணர்த்திய உங்களது சேவை மகத்தானது’ என்று குறிப்பிட்டுள்ளார்.

கொரோனா வைரஸ் உச்சத்தில் இருந்த நேரத்தில் மருத்துவர்கள் மற்றும் செவிலியர்களுக்கு இணையாக தங்கள் உயிரையும் பொருட்படுத்தாமல் தூய்மைப் பணியாளர்கள் தங்களது பணியை செய்து கொண்டு இருந்தார்கள் என்பதும் அவர்களுக்கு மிகப்பெரிய அளவில் வாழ்த்துக்களும் பாராட்டுக்களும் குவிந்தது என்பதும் குறிப்பிடத்தக்கது. அந்த வகையில் தூய்மை பணியாளர்களை கௌரவப்படுத்தி உள்ள ஆரிக்கும் வாழ்த்துக்கள் குவிந்து வருகிறது

View this post on Instagram

A post shared by Aari Arujunan (@aariarujunanactor)