படிப்புங்கிறது பிரசாதம் மாதிரி, கொடுங்க, சாப்பாடு மாதிரி விக்காதீங்க: தனுஷின் 'வாத்தி' டீசர்
- IndiaGlitz, [Thursday,July 28 2022]
தனுஷ் நடித்த ‘வாத்தி’ திரைப்படத்தின் படப்பிடிப்பு முடிவடைந்து தற்போது முழுவீச்சில் தொழில்நுட்ப பணிகள் நடைபெற்று வரும் நிலையில் சற்று முன் இந்த படத்தின் அட்டகாசமான டீசர் வெளியாகி இணையதளங்களில் வைரலாகி வருகின்றன
ஒரு நிமிடம் உள்ள இந்த டீசரில் உள்ள அசத்தலான வசனங்கள் இந்த படத்தின் எதிர்பார்ப்பை மிகப்பெரிய அளவில் அதிகரித்துள்ளது. ஜீரோ ஃபீஸ் ஜீரோ எஜூகேஷன், மோர் ஃபீஸ் மோர் எஜுகேஷன்’ இதுதாண்டா இப்ப டிரெண்டு’ என்று வசனம் இன்றைய கல்வி நிலையங்களின் நிலையை அப்பட்டமாக எடுத்து காட்டுகிறது.
அதேபோல் படிப்புங்கிறது பிரசாதம் மாதிரி, கொடுங்க, ஃபைவ் ஸ்டார் ஓட்டல் சாப்பாடு மாதிரி விக்காதீங்க’ என்ற வசனத்திலிருந்து இந்த படம் இந்தியாவின் கல்வித்துறையை அலசி ஆராய்ந்துள்ளது என தெரிய வருகிறது.
தனுஷ், சம்யுக்தா மேனன், சாய்குமார், சமுத்திரகனி உள்ளிட்ட பலர் நடித்துள்ள இந்த படத்தை வெங்கி அட்லுரி இயக்கியுள்ளார். தமிழ், தெலுங்கு மொழிகளில் உருவாகி வரும் இந்த படத்திற்கு ஜிவி பிரகாஷ்குமார் இசையமைத்து வருகிறார். இந்த படம் விரைவில் வெளியாகவுள்ளது.