தனுஷின் 50வது திரைப்படமான ’ராயன்’ என்ற படத்தை அவரே இயக்கி முக்கிய கேரக்டரில் நடித்து வருகிறார் என்பதும் இந்த படத்தின் படப்பிடிப்பு முடிவடைந்து விரைவில் ரிலீஸ் ஆக இருக்கும் நிலையில் இந்த படத்தின் புரமோஷன் பணிகள் சமீபத்தில் தொடங்கியதாக செய்திகள் வெளியானது என்பதையும் பார்த்தோம்.

இந்த நிலையில் கடந்த சில நாட்களுக்கு முன்னர் ’ராயன்’ படத்தின் டைட்டில் உடன் கூடிய ஃபர்ஸ்ட் லுக் போஸ்டரை வெளியிட்ட தனுஷ் அதன் பிறகு இந்த படத்தில் நடித்து வரும் நட்சத்திரங்களின் போஸ்டரை வெளியிட்டு வருகிறார். குறிப்பாக அவர் எஸ்ஜே சூர்யா, செல்வராகவன், பிரகாஷ்ராஜ் ஆகியோர்களின் போஸ்டர்களை வெளியிட்ட நிலையில் மூன்று போஸ்டர்களும் வித்தியாசமாக இருந்ததை அடுத்து இந்த படத்தின் எதிர்பார்ப்பும் அதிகரித்தது.

இந்த நிலையில் சற்று முன் தனுஷ் தனது சமூக வலைதள பக்கத்தில் ’ராயன்’ படத்தின் நாயகியான துஷாரா விஜயன் போஸ்டரை வெளியிட்டுள்ளார். கருப்பு வெள்ளையில் இருக்கும் இந்த நான்கு போஸ்டர்களும் ரசிகர்களின் கவனத்தை கவர்ந்து உள்ள நிலையில் மிகச்சிறந்த நட்சத்திரங்களை தேர்வு செய்ததிலிருந்து தனுஷ் ஒரு இயக்குனராக வெற்றி பெற்றுவிட்டார் என்று ரசிகர்கள் தங்களுடைய கருத்துக்களை தெரிவித்து வருகின்றனர்.

இசைப்புயல் ஏ ஆர் ரகுமான் இசையில், சன் பிக்சர்ஸ் நிறுவனத்தின் பிரமாண்டமான தயாரிப்பில் உருவாகிய இந்த படத்தின் ரிலீஸ் தேதி விரைவில் அறிவிக்கப்படும் என்று எதிர்பார்க்கப்படுகிறது.

@officialdushara From the world of #Raayan pic.twitter.com/vpSc2gfGZI

— Dhanush (@dhanushkraja) February 24, 2024