close
Choose your channels

லாஸ் ஏஞ்சலில் 'கர்ணன்' படம் பார்த்த தனுஷ்: சொன்ன கமெண்ட் என்ன தெரியுமா?

Saturday, April 10, 2021 • தமிழ் Comments

தனுஷ் நடித்த ‘கர்ணன்’ திரைப்படம் நேற்று வெளியாகி மிகப்பெரிய வரவேற்பை பெற்றுள்ளது என்பதும் அவருடைய ரசிகர்கள் இந்த படத்தை கொண்டாடி வருகின்றனர் என்பதும் குறிப்பிடத்தக்கது. அதுமட்டுமின்றி திரை உலக பிரபலங்களும் அரசியல்வாதிகளும் இந்த படத்தை பார்த்து தங்களுடைய வாழ்த்துக்களையும் பாராட்டுக்களையும் தனுஷ், மாரி செல்வராஜ் உள்பட படக்குழுவினர் அனைவருக்கும் தெரிவித்து வருகின்றனர்

இந்த நிலையில் தனுஷ் தற்போது ஹாலிவுட் படத்தின் படப்பிடிப்பில் இருப்பதால் தமிழகத்தில் இந்த படத்தை பார்க்க முடியவில்லை. ஆனால் அதே நேரத்தில் அமெரிக்காவில் உள்ள லாஸ் ஏஞ்சல்ஸில் உள்ள திரையரங்கில் இந்த படத்தை அவர் குடும்பத்துடன் பார்த்து ரசித்துள்ளார்.

நேற்று இரவு ‘கர்ணன்’ படத்தின் சிறப்பு காட்சியை தனது குடும்பத்துடன் பார்த்த தனுஷ் இந்த படத்தின் அவுட்புட்டை பார்த்து தனது மகிழ்ச்சியை தெரிவித்துள்ளார். மேலும் அமெரிக்காவில் 50 சதவீத இருக்கைகளுக்கு மட்டுமே அனுமதி என்ற நிலையிலும் இந்த படத்துக்கு தியேட்டர் ஹவுஸ்ஃபுல் ஆகியுள்ளது கண்டு தனது மகிழ்ச்சியையும் அவர் தெரிவித்துள்ளார் என்பது குறிப்பிடத்தக்கது.
 

Get Breaking News Alerts From IndiaGlitz