விஜய் மகன் சஞ்சய் இயக்கத்தில் நடிக்க தயார் என விக்ரம் மகன் துருவ் விக்ரம் தெரிவித்து இருப்பது பெரும் பரபரப்பை ஏற்படுத்தி உள்ளது.

தளபதி விஜய்யின் மகன் சஞ்சய் வெளிநாட்டில் இயக்குனருக்கான படிப்பு படித்து முடித்து உள்ளார் என்பதும் விரைவில் அவர் இயக்குனராக தமிழ் சினிமாவில் அறிமுகமாவார் என்றும் கூறப்பட்டது. குறிப்பாக தளபதி விஜய் நடிக்கும் படத்தை இயக்க அதிக வாய்ப்பு இருப்பதாக கூறப்பட்ட நிலையில் தற்போது விஜய் மகன் சஞ்சய் இயக்கத்தில் நடிக்க தயார் என விக்ரம் மகன் துருவ் விக்ரம் தெரிவித்துள்ளார். 

விக்ரம், துருவ் விக்ரம் இணைந்து நடித்த ’மஹான்’ திரைப்படம் இன்று அமேசானில் வெளியாகி பாசிட்டிவ் விமர்சனங்களை பெற்று வருகிறது. இந்த நிலையில் இந்த படத்தின் புரமோஷன் நிகழ்ச்சி ஒன்றில் பேட்டியளித்த துருவ் விக்ரம், ‘விஜய் மகன் சஞ்சய் எனக்கு சிறுவயதிலிருந்தே நல்ல நண்பர் என்றும் அவர் நல்ல கதையுடன் வந்தால் கண்டிப்பாக அவரது இயக்கத்தில் நடிக்க தயார் என்று கூறியுள்ளார்.

இரண்டு பிரபலங்களின் வாரிசுகள் ஒரே படத்தில் இணைந்தால் அந்த படம் மாஸாக இருக்கும் என்று ரசிகர்கள் கருத்து தெரிவித்து வருகின்றனர்.  விஜய் மகன் சஞ்சய் இயக்கத்தில் விக்ரம் மகன் துருவ் விக்ரம் நடிக்கும் அதிசயம் கோலிவுட்டில் நடக்குமா? என்பதை பொறுத்திருந்து பார்ப்போம்.