சிவகார்த்திகேயன் நடித்த ’டான்’ டான் திரைப்படத்தை இயக்குனர் சிபி சக்கரவர்த்தி இயக்கியிருந்த நிலையில் இந்த படம் மிகப்பெரிய வெற்றி பெற்ற நூறு கோடி வசூல் செய்தது.

இதனை அடுத்து சிபி சக்கரவர்த்தி, ரஜினியின் அடுத்த படத்தை இயக்கப் போகிறார் என்றும் விஜய்யின் அடுத்த படத்தை இயக்கப் போகிறார் என்றும் செய்திகள் வெளியாகின.

ஆனால் இருவரும் அடுத்தடுத்து படங்களில் பிசியாக இருப்பதால் தற்போது அவர் தெலுங்கு நடிகர் நானி நடிக்கும் படத்தை இயக்க இருப்பதாகவும், இந்த படத்தின் அறிவிப்பு ஆகஸ்ட் மாதம் வெளியாகும் என்று கூறப்படுகிறது.

தமிழ் தெலுங்கு ஆகிய இரு மொழிகளில் இந்த படம் உருவாக இருப்பதாகவும் இந்த படத்தின் படப்பிடிப்பு அடுத்த வருடம் தொடங்கும் என்று கூறப்படுகிறது. ’டான்’ வெற்றியை அடுத்து ரஜினி, விஜய் படத்தை சிபி சக்கரவர்த்தி இயக்குவார் என்று எதிர்பார்க்கப்பட்ட நிலையில் தற்போது அவர் நானியின் படத்தை இயக்க உள்ளார் என்பது குறிப்பிடத்தக்கது.