బ్రేకింగ్: ఎంఐఎం అధినేత అసదుద్దీన్ ఒవైసీపై కాల్పులు
- IndiaGlitz, [Thursday,February 03 2022]
యూపీ ఎన్నికల ప్రచారంలో వున్న హైదరాబాద్‌ ఎంపీ అసదుద్దీన్ ఒవైసీ కాన్వాయ్‌పై కాల్పులు జరిగాయి. ఈ ఘటనలో ఆయనకెలాంటి ప్రమాదం జరగలేదు. ఒవైసీ ప్రయాణిస్తున్న కాన్వాయ్‌లోని ఓ కారు మాత్రం పంక్చరైంది.
దుండుగులు ఆయనపై నాలుగు రౌండ్లు కాల్పులు జరిపినట్లుగా తెలుస్తోంది. మీరట్‌‌లో ప్రచారం ముగించుకుని తిరిగి వస్తుండగా.. ఈ కాల్పులు జరిగాయి. కాల్పుల విషయాన్ని స్వయంగా ధ్రువీకరించారు ఒవైసీ అసదుద్దీన్. యూపీ ఎన్నికల్లో పలు స్థానాల్లో పోటీ చేస్తోంది మజ్లీస్ పార్టీ.
ఈ నేపథ్యంలో తమ పార్టీ అభ్యర్థుల తరఫున ముమ్మర ప్రచారం చేస్తున్నారు ఒవైసీ . ప్రధానంగా ఎస్పీ, బీజేపీలను టార్గెట్ చేస్తూ విమర్శల వర్షం కురిపిస్తున్నారు. ఈ క్రమంలో ఒవైసీ కాన్వాయ్‌పై దాడి జరగడం దేశవ్యాప్తంగా చర్చనీయాంశంగా మారింది.