ఇంకెక్క‌డైనా రాసుకోమంటున్నాడు!
- IndiaGlitz, [Thursday,March 21 2019]
అభిమానం ఉండ‌వ‌చ్చు. ఆ అభిమానాన్ని మ‌నం ఎలాగైనా చూపించుకోవ‌చ్చు. కొన్నిసార్లు అభిమానం మ‌రింత పెరిగితే... తాజాగా విజ‌య్ దేవ‌ర‌కొండ విష‌యంలో అదే జ‌రిగింది. విజ‌య్ దేవ‌ర‌కొండ సోష‌ల్ మీడియాలో త‌న అభిమానులను 'రౌడీస్' అని పిలుచుకుంటార‌నే విష‌యం తెలిసిందే.
అయితే అభిమానుల్లో ఒక‌రు త‌న నెంబ‌ర్ ప్లేట్‌కి బ‌దులు 'రౌడీ' అని రాయించుకున్నాడు. దాన్ని గ‌మనించిన ట్రాఫిక్ పోలీస్ 'రౌడీ' అనే నెంబ‌ర్ ప్లేట్‌ని ఫొటో తీసి సోష‌ల్ మీడియాలో పెట్టారు. అది ఏకంగా వైర‌ల్ అయింది. వెంట‌నే విజ‌య్‌దేవ‌ర‌కొండ దాన్ని చూసి స్పందించారు.
కొన్ని రూల్స్ ని ఫాలో చేయాలి అని త‌న అభిమానుల‌కు హిత‌బోధ చేశారు. అంత‌కు ముందే ట్రాఫిక్ పోలీస్‌కు సారీ చెప్పారు. అభిమానులను ఉద్దేశించి అభిమానం ఉంటే దాన్ని ఇంకో ర‌కంగా చూపించండి. అంతేగానీ నెంబ‌ర్ ప్లేట్ల ద‌గ్గ‌ర రౌడీ అని రాయొద్దు. న‌చ్చిన వారి పేరును నెంబ‌ర్ ప్లేట్‌మీద కాకుండా వేరే ఎక్క‌డైనా రాసుకోండి అని చెప్పారు.