கலைப்புலி எஸ் தாணு உள்பட சினிமா பிரபலங்களை வீடுகளில் இன்று ஒரே நாளில் திடீரென வருமான வரித்துறையினர் சோதனை செய்து வருவதாக தகவல்கள் வெளியாகியுள்ளதால் திரையுலகில் பெரும் பரபரப்பு ஏற்பட்டுள்ளது

இன்று அதிகாலை மதுரையைச் சேர்ந்த பிரபல சினிமா பைனான்சியர் மற்றும் வினியோகஸ்தர் அன்புசெழியன் வீட்டில் வருமான வரித்துறை அதிகாரிகள் சோதனை செய்து வருகின்றனர். மதுரையில் 10க்கும் மேற்பட்ட இடங்களிலும் சென்னையில் உள்ள அவருக்கு சொந்தமான இடங்களிலும் இந்த சோதனை நடைபெற்று வருவதாக கூறப்படுகிறது 

அதேபோல் சென்னையில் உள்ள பிரபல தயாரிப்பாளர் கலைப்புலி எஸ் தாணு அவர்களின் அலுவலகத்திலும் வருமான வரித்துறையினர் சோதனை செய்து வருவதாகவும், பிரபல சினிமா தயாரிப்பாளர் ஞானவேல் ராஜா அவர்களின் வீட்டிலும் அலுவலகத்திலும் சோதனை செய்யப்படுவதாக கூறப்படுகிறது 

ஒரே நேரத்தில் சினிமா பிரபலங்களின் வீடுகளில் அலுவலகங்களில் வருமான வரித்துறையினர் சோதனை செய்து வருவது பெரும் பரபரப்பை ஏற்படுத்தியுள்ளது