'ஜிகர்தண்டா 2' படத்தில் யார் யார்? செம வீடியோவை வெளியிட்ட கார்த்திக் சுப்புராஜ்!
- IndiaGlitz, [Sunday,December 11 2022]
பிரபல இயக்குனர் கார்த்திக் சுப்புராஜ் இயக்கத்தில் கடந்த 2014ஆம் ஆண்டு வெளியான ’ஜிகர்தண்டா’ என்ற திரைப்படம் மிகப் பெரிய வெற்றி பெற்றது என்பது தெரிந்ததே. இந்த நிலையில் 8 ஆண்டுகள் கழித்து ’ஜிகர்தண்டா’ படத்தின் இரண்டாம் பாகம் குறித்து அறிவிப்பை இன்று அதிகாரப்பூர்வமாக இயக்குனர் கார்த்திக் சுப்புராஜ் வெளியிட்டார்.
இந்த நிலையில் சற்று முன் இந்த படத்தின் வீடியோவை வெளியிட்டு இந்த படத்தில் நடிக்கும் முக்கிய நட்சத்திரங்கள் மற்றும் தொழில்நுட்ப கலைஞர்கள் குறித்த அறிவிப்பை கார்த்திக் சுப்புராஜ் வெளியிட்டுள்ளார்.
இந்த படத்தில் ராகவா லாரன்ஸ் மற்றும் எஸ்.ஜே.சூர்யா ஆகிய இருவரும் முக்கிய வேடங்களில் நடிக்க உள்ளனர் என்பது இன்று வெளியாகியுள்ள மூன்று நிமிட டீசரில் தெரியவந்துள்ளது. மேலும் இந்த வீடியோவில் இருவரின் கெட்டப் மற்றும் நடிப்பு அட்டகாசமாக உள்ளது.
சந்தோஷ் நாராயணன் இசையில் திருநாவுக்கரசு ஒளிப்பதிவு முகமது அலி படத்தொகுப்பில் இந்த படம் உருவாக இருப்பதாகவும் அறிவிக்கப்பட்டுள்ளது. இந்த படத்தில் இருந்து வெளியான மூன்று நிமிட டீசர் வீடியோ மிகப் பெரிய ஆச்சரியத்தை ஏற்படுத்தி உள்ளதோடு, படத்தின் எதிர்பார்ப்பை அதிகரித்துள்ளது என்பது குறிப்பிடத்தக்கது.
ஸ்டோன் பெஞ்ச் பிலிம்ஸ் மற்றும் ஃபைவ் ஸ்டார் பிலிம்ஸ் நிறுவனங்கள் இணைந்து தயாரிக்கும் இந்தப் படத்தின் படப்பிடிப்பு விரைவில் தொடங்க உள்ளது என்பது குறிப்பிடத்தக்கது.