இளையதளபதி விஜய் நடிப்பில் பிரபல இயக்குனர் ஏ.ஆர்.முருகதாஸ் இயக்கத்தில் லைகா நிறுவனம் தயாரித்த 'கத்தி' திரைப்படம் கடந்த 2014ஆம் ஆண்டு வெளியாகி உலகம் முழுவதும் மிகப்பெரிய வெற்றியை பெற்றது. இப்போதுகூட இந்த படம் தொலைக்காட்சியில் ஒளிபரப்பப்பட்டால் மிகப்பெரிய வரவேற்பை பெற்று வருகிறது.

இந்நிலையில் விஜய், முருகதாஸ், லைகா கூட்டணி மீண்டும் இணைந்து 'கத்தி' போன்ற இன்னொரு திரைப்படத்தை தரவேண்டும் என்று விஜய் ரசிகர்கள் சமூக வலைத்தளங்களில் தங்களுடைய விருப்பத்தை கடந்த சில மாதங்களாக தெரிவித்து வந்தனர்.

விஜய் ரசிகர்களின் இந்த விருப்பம் விரைவில் நிறைவேறும் என்று எதிர்பார்க்கப்படுகிறது. அட்லி இயக்கத்தில் விஜய் நடிக்கவுள்ள 'விஜய் 61' படத்திற்கு பின்னர் லைகா நிறுவனம் தயாரிப்பில் முருகதாஸ் இயக்கத்தில் விஜய் நடிக்கும் 'விஜய் 62' உருவாக அதிக வாய்ப்புகள் இருப்பதாக கூறப்படுகிறது. இதுகுறித்த அதிகாரபூர்வ அறிவிப்பு வெகுவிரைவில் வெளியாகும் என்றும் கோலிவுட்டில் செய்திகள் வெளிவந்து கொண்டிருக்கின்றது.