'மீடூ' குறித்து லதா ரஜினிகாந்த் கூறிய கருத்து
- IndiaGlitz, [Thursday,October 25 2018]
தமிழகத்தில் பாடகி சின்மயி தொடங்கி வைத்த மீடூ விவகாரம் கொழுந்து விட்டு எரிய தொடங்கி தினமும் பெரிய மனிதர் போர்வையில் இருக்கும் பலருக்கு சிக்கல் ஏற்பட்டு வருகிறது. மீடூ விவகாரத்திற்கு ஆதரவும் எதிர்ப்பும் மாறி மாறி இருந்து கொண்டிருக்கும் நிலையில் சூப்பர் ஸ்டார் ரஜினிகாந்த் மனைவி லதா ரஜினிகாந்த் இதுகுறித்து பத்திரிகையாளர்கள் கேட்ட கேள்விக்கு பதிலளித்துள்ளார். அவர் கூறியதாவது:
மீடூ குறித்து நான் எதுவும் சொல்ல விரும்பவில்லை. பெண்கள் தங்களுக்கு ஏற்பட்ட தனிப்பட்ட அனுபவங்கள் குறித்து அவரவர் தான் பேச வேண்டும். அதை நாம் பேசினால் நன்றாக இருக்காது. யார் மனதையும் யாரும் கெடுக்காமல், யாருக்கும் யாரும் தீங்கும் செய்யாமல் அனைவரும் ஒற்றுமையாக இருக்க வேண்டும் என்பதே எனது எண்ணம்.
ரஜினிகாந்த் அரசியலுக்கு வருவது குறித்த கேள்விக்கு தயவுசெய்து அரசியல் குறித்த கேள்விகள் வேண்டாம்' என்று அதனை லதா ரஜினிகாந்த் தவிர்த்துவிட்டார் என்பது குறிப்பிடத்தக்கது.