சூப்பர் ஸ்டார் ரஜினிகாந்த் நடிக்க உள்ள ’தலைவர் 171’ படத்தின் படப்பிடிப்பு எப்போது மற்றும் விஜய்யின் ’லியோ 2’ உருவாகுமா? ஆகிய கேள்விகளுக்கு இன்று நடந்த நிகழ்ச்சியின் போது லோகேஷ் கனகராஜ் அப்டேட் கொடுத்துள்ளார்.

சூப்பர் ஸ்டார் ரஜினிகாந்த் தற்போது ஞானவேல் இயக்கத்தில் உருவாகி வரும் ’வேட்டையன்’ என்ற படத்தில் நடித்துக் கொண்டிருக்கும் நிலையில் அவர் அடுத்ததாக லோகேஷ் கனகராஜ் இயக்கத்தில் உருவாக இருக்கும் ’தலைவர் 171’ படத்தில் நடிக்க உள்ளார்.

இந்த படத்தின் படப்பிடிப்பு வரும் ஏப்ரல் மாதம் தொடங்கும் என்று எதிர்பார்க்கப்பட்ட நிலையில் இன்று பேட்டி அளித்த இயக்குனர் லோகேஷ், ‘தற்போது தான் ’தலைவர் 171’ படத்தின் திரைக்கதை எழுதிக் கொண்டிருப்பதாகவும் இன்னும் நிறைய எழுத வேண்டிய இருப்பதாகவும் கூறினார்.

மேலும் ரஜினி அவர்களை அவ்வப்போது சந்தித்து ஆலோசனை செய்து வருவதாகவும் இன்னும் இரண்டு மூன்று மாதங்கள் ஆரம்ப கட்ட பணிகளுக்கு காலம் இருப்பதால் அதன் பின்னர் தான் படப்பிடிப்பு தொடங்கும் என்றும் கூறினார். லோகேஷ் கனகராஜ் கூறிய இந்த தகவலை வைத்து பார்க்கும் போது ஏப்ரல் மாதம் படப்பிடிப்பு தொடங்க வாய்ப்பு இல்லை என்றும் இன்னும் காலதாமதம் ஆகும் என்றும் தெரிகிறது.

அதேபோல் விஜய் நடித்த ’லியோ’ படத்தின் இரண்டாம் பாகம் உருவாகுமா? என்ற கேள்விக்கு ’இன்னொரு நாள் இதற்கு பதில் சொல்கிறேன், தற்போது இன்றைய நிகழ்ச்சி சம்பந்தப்பட்ட கேள்வி மட்டும் கேளுங்கள்’ என்று அவர் கேட்டுக் கொண்டார்.