த்ரிஷா நடிப்பில் இயக்குனர் மாதேஷ் இயக்கிய 'மோகினி' திரைப்படம் நாளை முதல் வெள்ளித்திரையில் திரையிடப்படவுள்ளது. இந்த படத்தில் த்ரிஷா ரிஸ்க் எடுத்து ஸ்டண்ட் காட்சிகளில் நடித்துள்ளதாகவும், த்ரில் மற்றும் ஆக்சன் பிரியர்களுக்கு இந்த படம் ஒரு விருந்தாக அமையும் என்றும் கூறப்படுகிறது.

இந்த நிலையில் சமீபத்தில் இயக்குனர் மாதேஷை சந்தித்த மாதவன், 'மோகினி' படத்தின் கதையை கேட்டு ஆச்சரியம் அடைந்தாராம். இந்த படத்தை இந்திக்கு தகுந்தவாறு மாற்றி ஸ்கிரிப்ட் தயார் செய்தால், இந்த படத்தை தயாரிக்க தயாராக இருப்பதாக மாதவன் தெரிவித்ததாக மாதேஷ் கூறியுள்ளார். த்ரிஷா கேரக்டரை ஆண் கேரக்டராக மாற்றி அதில் மாதவன் நடிப்பார் என்றும் எதிர்பார்க்கப்படுகிறது.

இந்த நிலையில் 'இறுதிச்சுற்று', மற்றும் 'விக்ரம் வேதா' வெற்றியை தொடர்ந்து மாதவன் தற்போது இஸ்ரோ விஞ்ஞானி நம்பிநாராயணன் வாழ்க்கை வரலாறு திரைப்படத்திலும், 'மாறா' என்ற படத்திலும் நடித்து வருகிறார்.