தமிழ் திரையுலகின் இசையமைப்பாளர்களில் ஒருவரான ஜேம்ஸ் வசந்தனுக்கு பிரபலம் ஒருவர் புத்தகங்கள் அனுப்பி இருக்கும் புகைப்படம் இணையதளங்களில் வைரலாகி வருகிறது.

’சுப்பிரமணியபுரம்’ என்ற திரைப்படத்தின் மூலம் இசையமைப்பாளராக அறிமுகமான ஜேம்ஸ் வசந்தன் அதன் பின் ஒரு சில திரைப் படங்களுக்கு இசையமைத்தார். சமூக வலைதளங்களில் ஆக்டிவ்வாக இருக்கும் ஜேம்ஸ் வசந்தன், சமூக கருத்துக்களை அவ்வப்போது பதிவு செய்து வருவார் என்பது குறிப்பிடத்தக்கது. 

இந்த நிலையில் நடிகர் இயக்குனர் மற்றும் அரசியல்வாதி சீமானுடன் ஜேம்ஸ் வசந்தனுக்கு நெருங்கிய நட்பு உள்ளது என்பது அவரது இன்ஸ்டாகிராம் பதிவில் இருந்து தெரியவந்துள்ளது. சமீபத்தில் அவர் தனது இன்ஸ்டாகிராம் பதிவில், ‘நேற்று தோழர் சீமானுடன் தொலைபேசியில் பேசிக் கொண்டிருந்தேன், அப்போது அவர் பெருஞ்சித்திரனார் நூல்களை அனுப்பி வைக்கிறேன் வாசித்து பாருங்கள் என்றார். ஒரு புத்தகத்தை எதிர்பார்த்தேன் ஆனால் ஒரு நூலகமே வந்து இறங்கியது என்று பதிவு செய்து ஒரு புகைப்படத்தையும் பதிவு செய்துள்ளார். 

அந்த புகைப்படத்தில் ஏராளமான புத்தகங்கள்  உள்ளது என்பதும், அவை அனைத்துமே பெருஞ்சித்திரனார் எழுதிய புத்தகங்கள் என்பதும் குறிப்பிடத்தக்கது. இந்த புகைப்படம் தற்போது வைரலாகி வருகிறது.

View this post on Instagram

A post shared by James Vasanthan (@james_vasanthan)