சிம்பு நடிப்பில் சுசீந்திரன் இயக்கிவரும் திரைப்படத்தின் படப்பிடிப்பு தற்போது திண்டுக்கல்லில் நடைபெற்று வருவதாக செய்திகள் வெளியானது என்பதை பார்த்தோம். மேலும் இன்று சிம்புவின் ட்விட்டர் தளத்தில் இந்த படத்தின் மோஷன் போஸ்டர் வரும் ஆயுத பூஜை தினத்தன்று மதியம் 12.12 மணிக்கு வெளியாகும் என்று அதிகாரப்பூர்வமாக அறிவிக்கப்பட்டுள்ளது. இந்த மோஷன் போஸ்டரை சிம்புவின் ரசிகர்கள் மிகுந்த ஆவலுடன் எதிர்பார்த்து காத்திருக்கின்றனர் என்பது குறிப்பிடத்தக்கது

இந்த நிலையில் தற்போது சிம்பு-சுசீந்திரன் இணையும் இந்த படத்தில் விஜய் மற்றும் விஜய்சேதுபதி படத்தில் நடித்த முன்னணி நடிகை ஒருவர் சிம்புவுக்கு தங்கையாக நடிக்க உள்ளதாக செய்திகள் வெளியாகியுள்ளது

விஜய் நடித்த புலி, விஜய் சேதுபதி நடித்த ‘இதற்குத்தானா ஆசைப்பட்டாய் பாலகுமாரா’ உள்ளிட்ட படங்களில் நடித்தவர் நந்திதா ஸ்வேதா. இவர் சிம்புவின் தங்கையாக சுசீந்திரன் படத்தில் நடித்து வருவதாக செய்திகள் வெளியாகி உள்ளது. இந்த தகவல் வரும் ஆயுத பூஜை தினத்தில் வெளியாகும் மோஷன் போஸ்டரில் உறுதி செய்யப்படும் என்று எதிர்பார்க்கப்படுகிறது

மேலும் திரு ஒளிப்பதிவில் தமன் இசையில் இந்த படம் உருவாகி வருகிறது என்பது குறிப்பிடத்தக்கது