నెక్ట్స్ మూవీలో ప్రభాస్ క్యారెక్టర్ ఇదే..!
- IndiaGlitz, [Friday,September 30 2016]
యంగ్ రెబ‌ల్ స్టార్ ప్రభాస్ ప్ర‌స్తుతం బాహుబ‌లి 2 లో న‌టిస్తున్న విష‌యం తెలిసిందే. ఈ చిత్రం త‌ర్వాత ప్రభాస్ ర‌న్ రాజా ర‌న్ ఫేమ్ సుజిత్ దర్శకత్వంలో ఓ చిత్రం చేస్తున్నారు. ఈ చిత్రాన్ని యు.వి.క్రియేష‌న్స్ సంస్థ నిర్మిస్తుంది. ఈ మూవీని తెలుగు, త‌మిళ్ లో ద్విభాషా చిత్రంగా నిర్మించాలి అనుకున్నారు.
అయితే... బాహుబ‌లితో ప్రభాస్ కి బాలీవుడ్ లో కూడా మార్కెట్ ఏర్ప‌డింది. దీంతో ఈ చిత్రాన్ని హిందీలో కూడా నిర్మించేందుకు ప్లాన్ చేస్తున్నారు. దాదాపు 100 కోట్ల‌తో ఈ మూవీని నిర్మిస్తున్నారు. ఈ చిత్రంలో ప్రభాస్ స్టైలీస్ పోలీస్ గా న‌టించ‌నున్న‌ట్టు స‌మాచారం. ఇక విల‌న్ పాత్ర‌కు బాలీవుడ్ ఏక్ట‌ర్ నీల్ నితిన్ ముఖేష్‌ని తీసుకోవాలనుకుంటున్నారట. ప్ర‌స్తుతం ప్రీ ప్రొడ‌క్ష‌న్ వ‌ర్క్ జ‌రుగుతుంది. జ‌న‌వరిలో ఈ చిత్రం షూటింగ్ ప్రారంభించ‌నున్నారు.