சந்தோஷ் சிவனின் சர்ச்சை டுவீட்: கடும் கோபத்தில் தயாரிப்பாளர்கள்
- IndiaGlitz, [Friday,September 14 2018]
இயக்குனர், ஒளிப்பதிவாளர் சந்தோஷ் சிவன் தயாரிப்பாளர்களை கிண்டல் செய்து டுவீட் ஒன்றை பதிவு செய்துள்ளார். அதில் தயாரிப்பாளர்கள் ஹீரோயினுக்கு சம்பளம் கொடுக்கும்போது கொஞ்சலாக இருப்பதாகவும் தொழில்நுட்ப கலைஞர்களுக்கு சம்பளம் கொடுக்கும்போது கோபமாக இருப்பதாகவும் குறிப்பிட்டுள்ளார். மேலும் இந்த டுவீட்டில் ஒரு நாய் படமும் இருந்தது.
சந்தோஷ் சிவனின் இந்த டுவீட் தயாரிப்பாளர்கள் மத்தியில் சலசலப்பை ஏற்படுத்தியது. ஹீரோ, ஹீரோயினுக்கு இணையாக சந்தோஷ் சிவனுக்கும் கேரவன் உள்பட பல்வேறு வசதிகளை செய்து தரும் நிலையில் சந்தோஷ் சிவன் இதுமாதிரியான ஒரு டுவீட்டை பதிவு செய்தது துரதிஷ்டமானது என்று முன்னணி தயாரிப்பாளர்கள் கருத்து தெரிவித்துள்ளனர்.
தயாரிப்பாளர்களின் எதிர்ப்பை அடுத்து சர்ச்சைக்குரிய டுவீட்டை நீக்கிய சந்தோஷ் சிவன், தனது டுவீட்டுக்காக வருத்தப்படுவதாகவும், அந்த பதிவு யாரையும் குறிப்பிட்டு தான் கூறவில்லை என்றும் தெரிவித்தார்.