உயிர் நண்பருக்காக 'கபாலி' ஸ்பெஷல் காட்சி: ரஜினி திட்டம்
- IndiaGlitz, [Monday,July 25 2016]
சூப்பர் ஸ்டார் ரஜினிகாந்த் ஓய்வை முடித்துவிட்டு அமெரிக்காவில் இருந்து சென்னை திரும்பினார் என்ற செய்தியை ஏற்கனவே பார்த்தோம். சென்னை விமான நிலையத்தில் ரஜினிக்கு சிறப்பான வரவேற்பு கொடுக்கப்பட்டது. மேலும் 'கபாலி'யின் வெற்றியால் ரஜினி மிகுந்த மகிழ்ச்சியில் உள்ளதாகவும் செய்திகள் வெளிவந்துள்ளது.
இந்நிலையில் நாடு திரும்பியதும் தனது உயிர் நண்பர் கமல்ஹாசனின் உடல்நிலை குறித்து ரஜினி அக்கறையுடன் விசாரித்ததாகவும், கமல் மருத்துவமனையில் இருந்து டிஸ்சார்ஜ் செய்யப்பட்டவுடன் அவருக்காக 'கபாலி' படத்தின் சிறப்பு காட்சிக்கு ஏற்பாடு செய்ய அவர் திட்டமிட்டுள்ளதாகவும் தகவல்கள் வெளிவந்துள்ளது.
ஓய்வு மற்றும் மருத்துவ சோதனை ஆகியவற்றை முடித்துவிட்டு புத்துணர்ச்சியுடன் உள்ள ரஜினிகாந்த் விரைவில் ஷங்கரின் '2.0' படத்தின் படப்பிடிப்பில் கலந்து கொள்ளவுள்ளார் என்பது குறிப்பிடத்தக்கது.