வெற்றிமாறன் இயக்கத்தில் சூரி மற்றும் விஜய் சேதுபதி நடித்து வரும் ’விடுதலை 2’ திரைப்படத்தில் ஒளிப்பதிவாளரும், இயக்குனருமான ராஜீவ் மேனன் ஒரு முக்கிய கேரக்டரில் நடித்து வருகிறார் என்பது தெரிந்ததே. இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்திற்கு முன்பே அவர் இன்னொரு படத்தின் படப்பிடிப்பை முடித்துவிட்டு டப்பிங் பணியை செய்து வருகிறார் என்ற தகவல் வெளியாகியுள்ளது.

சத்யராஜ், வசந்த் ரவி, தன்யா ஹோப் உள்பட பலர் நடித்து வரும் திரைப்படம் ’வெப்பன்’. குகன் சென்னியப்பன் என்பவரின் இயக்கத்தில் உருவாகி உள்ள இந்த படத்தின் படப்பிடிப்பு சமீபத்தில் முடிவடைந்த நிலையில் தற்போது தொழில்நுட்ப பணிகள் நடைபெற்று வருகின்றன.

இந்த நிலையில் இயக்குனர் குகன் சமூக வலைதள பக்கத்தில் இந்த படத்தின் முக்கிய கேரக்டரில் நடித்த ராஜீவ் மேனன் தனது பகுதியின் டப்பிங் பணி செய்து வரும் வீடியோவை பகிர்ந்து உள்ளார். இந்த வீடியோ இணையதளங்களில் வைரல் ஆகி வருகிறது

ஜிப்ரான் இசையில் பிரபு ராகவ் ஒளிப்பதிவில் இந்த படம் உருவாகி வருகிறது என்பதும் இந்த படத்தின் ரிலீஸ் தேதி விரைவில் அறிவிக்கப்படும் எனவும் கூறப்படுகிறது.

View this post on Instagram

A post shared by Guhan Senniappan (@guhan_senniappan)