ஐபிஎல் இறுதிப் போட்டியில் குஜராத் டைட்டன்ஸ் அணியை வென்று சென்னை சூப்பர் கிங்ஸ் டைட்டில் பட்டம் வென்ற நிலையில் இந்த டைட்டில் பட்டம் பெற முக்கிய காரணமானவர்களில் ஒருவர் ஜடேஜா என்பதும் கடைசி இரண்டு பந்துகளில் 10 ரன்கள் அடித்து அவர் ஆட்டத்தின் போக்கையே மாற்றினார் என்பதும் தெரிந்ததே.

இந்த நிலையில் உலக கோப்பை உட்பட எவ்வளவு பெரிய வெற்றி கிடைத்தாலும் கூட உணர்ச்சிவசப்படாத தோனியே கூட ஜடேஜாவை அலேக்காக தூக்கி கொண்டாடிய புகைப்படங்கள் மற்றும் வீடியோக்கள் இணையதளங்களில் வைரல் ஆகி வந்தன. தோனியின் முகத்தில் இந்த அளவிற்கு ஒரு சந்தோஷம், பூரிப்பை இதுவரை ரசிகர்கள் மட்டுமின்றி சக அணியினர் கூட பார்த்ததில்லை.

இந்த நிலையில் ஜடேஜா தன்னுடைய இன்ஸ்டாகிராம் பக்கத்தில் தோனி தன்னை தூக்கி வைத்த ஸ்டில்லை முகப்பு பக்கத்தில் வைத்துள்ளார். இந்த ஸ்டில் இன்னும் ஒரு நூற்றாண்டுக்கு பேசப்படும் என ரசிகர்கள் கருத்து தெரிவித்து வருகின்றனர். சென்னை சூப்பர் கிங்ஸ் அணியின் தூண்களில் ஒருவரான ஜடேஜா இந்த செயலுக்கு வாழ்த்துக்கள் குவிந்து வருகிறது.