ரூபாய் 30 கோடி பட்ஜெட்டில் தயாரிக்கப்பட்ட திரைப்படம் ஒன்று கடந்த வெள்ளியன்று வெளியான நிலையில் ஐந்தே நாட்களில் அந்த படம் உலகம் முழுவதும் 33 கோடி வசூல் செய்துள்ளதாக அதிகாரப்பூர்வமாக அறிவிக்கப்பட்டுள்ளது.

துல்கர் சல்மான், ராஷ்மிகா மந்தனா, மிருணாள் தாக்கூர் உள்பட பலர் நடித்த திரைப்படம் ’சீதாராமம்’. இந்த திரைப்படம் தமிழ் தெலுங்கு ஆகிய மொழிகளில் வெளியான நிலையில் இந்த திரைப்படம் மிகப்பெரிய வரவேற்பை பெற்றது.

ஆரம்பத்தில் குழைவான திரையரங்குகளே இந்த படத்திற்கு கிடைத்தாலும் இந்த படத்தின் ரிசல்ட்டை அடுத்து திரையரங்குகள் அதிகரிக்கப்பட்டது என்பதும் இதனால் வசூலும் அதிகம் ஆனது என்றும் டிரேடிங் வட்டாரங்கள் கூறுகின்றன.

இந்த நிலையில் ’சீதாராமம்’ திரைப்படம் வெளியாகி ஐந்து நாட்கள் ஆகியுள்ள நிலையில் 5 நாட்களில் இந்த படம் உலகம் முழுவதும் 33 கோடி வசூல் செய்து உள்ளது என்பதும், இந்த படத்தின் மொத்த பட்ஜெட் ரூபாய் 30 கோடி தான் என்பதும் குறிப்பிடத்தக்கது.

100 கோடி, 200 கோடி செலவு செய்து எடுக்கப்படும் திரைப்படங்கள் தோல்வியை தழுவி வரும் நிலையில் 30 கோடி பட்ஜெட்டில் எடுக்கப்பட்ட ஒரு திரைப்படம் மிகப் பெரிய வெற்றி பெற்றுள்ளதை அடுத்து அந்த படக்குழுவினர்களுக்கு பாராட்டுக்கள் குவிந்து வருகிறது.