சிவகார்த்திகேயன் நடித்து வரும் ‘மாவீரன்’ படத்தின் படப்பிடிப்பு கடந்த சில மாதங்களாக நடைபெற்று வரும் நிலையில் இந்த படத்தின் படப்பிடிப்பு தற்போது இறுதி கட்டத்தில் இருப்பதாக செய்திகள் வெளியாகியுள்ளன

நடிகர் சிவகார்த்திகேயன் தனது பகுதிக்கான காட்சிகளின் படப்பிடிப்பை கிட்டத்தட்ட முடித்து விட்டார் என்றும் அனேகமாக இம்மாத இறுதிக்குள் ஒட்டுமொத்த படப்பிடிப்பும் முடிந்து விடும் என்றும் கூறப்படுகிறது

இந்த நிலையில் இந்த படத்தின் போஸ்ட் புரொடக்ஷன் பணிகள் ஜனவரி முதல் தொடங்கும் என்றும் இந்த படம் அடுத்த ஆண்டு பிப்ரவரி அல்லது மார்ச் மாதம் ரிலீசாக அதிக வாய்ப்பு இருப்பதாக கூறப்படுகிறது

அஜித்தின் ’துணிவு’ மற்றும் விஜய்யின் ’வாரிசு’ ஜனவரியில் வெளியாவதால் அந்த படங்கள் கிட்டத்தட்ட ஒரு மாதம் வரை ஓடும் என்று எதிர்பார்க்கப்படுகிறது. இதனையடுத்தே பிப்ரவரி இறுதியில் அல்லது மார்ச் முதல் வாரத்தில் ‘மாவீரன்’ படத்தை ரிலீஸ் செய்ய படக்குழு திட்டமிட்டுள்ளது இந்த நிலையில் இந்த படத்தின் புரமோஷன் பணிகளையும் தொடங்க படக்குழுவினர் திட்டமிட்டுள்ளதாக மிக விரைவில் ‘மாவீரன்’ சிங்கிள் பாடல் வெளியாகும் என்றும் கூறப்படுகிறது.

ஏற்கனவே ‘மாவீரன்’ திரைப்படத்தின் வியாபாரம் தொடங்கி விட்டது என்பதும் சாட்டிலைட் மற்றும் டிஜிட்டல் உரிமை மிகப்பெரிய தொகைக்கு விற்பனை ஆகியுள்ளது என்பது குறிப்பிடத்தக்கது

சிவகார்த்திகேயன் ஜோடியாக அதிதிஷங்கர் நடித்து வரும் இந்த படத்தில் மிஸ்கின் மற்றும் ’புஷ்பா’ சுனில் ஆகிய இருவரும் வேற லெவல் வில்லன் கேரக்டரில் நடித்துள்ளனர். அதுமட்டுமின்றி நடிகை சரிதா ஒரு அட்டகாசமான குணச்சித்திர கேரக்டரில் நடித்து வருகிறார். தேசிய விருது பெற்ற ‘மண்டேலா’ என்ற படத்தை இயக்கிய மடோன் அஸ்வின் இயக்கத்தில் இந்த படம் உருவாகி வருகிறது.