close
Choose your channels

விஷ்ணு விஷாலின் அடுத்த படத்தில் இணைந்த 'தளபதி 65' கலைஞர்கள்!

Thursday, March 4, 2021 • தமிழ் Comments

விஷ்ணு விஷால் நடிப்பில் உருவான ’காடன்’ திரைப்படத்தின் டிரைலர் சமீபத்தில் வெளியாகி மிகப்பெரிய வரவேற்பை பெற்றது என்பது தெரிந்ததே. இந்த நிலையில் விஷ்ணு விஷால் நடித்து வரும் இன்னொரு திரைப்படமான மோகன்தாஸ் படத்தின் முக்கிய அப்டேட் தற்போது வெளிவந்துள்ளது.

மோகன்தாஸ் படத்தின் படப்பிடிப்பு கடந்த சில நாட்களாக நடைபெற்று வரும் நிலையில் இந்த படத்தில் பிரபல ஸ்டண்ட் கலைஞர்களான அன்பறிவ் இணைந்துள்ளனர். அன்பறிவ் சமீபத்தில்தான் தளபதி விஜய் நடிக்க இருக்கும் ’தளபதி 65’ படத்தின் ஸ்டண்ட் கலைஞர்கள் ஆக பணிபுரிய ஒப்பந்தம் ஆனார்கள் என்று வெளியான செய்தியை பார்த்தோம். இதனை அடுத்து தற்போது அதே கூட்டணி விஷ்ணு விஷாலின் ’மோகன்தாஸ்’ படத்திலும் இணைந்து உள்ளது என்பது குறிப்பிடத்தக்கது.

விஷ்ணுவிஷால், ஐஸ்வர்யா ராஜேஷ், இந்திரஜித் சுகுமாரன் உள்ளிட்ட பலர் நடித்த இந்த படத்தை முரளி கார்த்திக் இயக்கி வருகிறார். சுந்தரமூர்த்தி இசையில், விக்னேஷ் ராஜகோபாலன் ஒளிப்பதிவில் கிருபாகரன் படத்தொகுப்பில் இந்த படம் உருவாகி வருகிறது.

Get Breaking News Alerts From IndiaGlitz