முதலமைச்சர் மகனை எதிர்த்து போட்டியிடும் நடிகைக்கு திரையுலகினர் ஆதரவு
- IndiaGlitz, [Tuesday,March 19 2019]
தமிழகத்தை போலவே கர்நாடக மாநிலத்திலும் பாராளுமன்ற தேர்தல் பணிகளை அம்மாநில அரசியல் கட்சிகள் விறுவிறுப்பாக செய்து வரும் நிலையில் மாண்டியா தொகுதி திடீரென நட்சத்திர தொகுதியாக மாறியுள்ளது.
இந்த தொகுதியில் கர்நாடக மாநில முதலமைச்சர் குமாரசாமியின் மகனும் நடிகருமான விஜய் கெளடா போட்டியிடவுள்ளார். அவரை எதிர்த்து வலுவான வேட்பாளரை நிறுத்த பாஜக திட்டமிட்டு வருகிறது.
இந்த நிலையில் திடீரென நடிகை சுமலதா சுயேட்சையாக போட்டியிடவுள்ளதாக அறிவித்துள்ளார். நடிகை சுமலதாவுக்கு பிரபல கன்னட நடிகர்களான யாஷ், தர்ஷன் உள்பட பல திரை நட்சத்திரங்கள் ஆதரவு அளித்துள்ளதால் நடிகர் விஜய் கெளடாவுக்கு கடும் நெருக்கடி ஏற்பட்டுள்ளதாக தெரிகிறது.