close
Choose your channels

2024ஆம் ஆண்டிலும் மோடி தான் பிரதமர்: பிரபல நடிகர் டுவீட்

Friday, August 14, 2020 • தமிழ் Comments

காங்கிரஸ் கட்சி அல்லாத பிரதமர்களில் அதிக நாட்கள் பிரதமராக இருந்த சாதனையை பிரதமர் நரேந்திர மோடி அவர்கள் செய்துள்ளார்.

இந்தியாவிலேயே அதிக நாட்கள் பிரதமராக இருந்தவர் இந்தியாவின் முதல் பிரதமரான ஜவர்கலால் நேரு அவர்கள் தான். அவர் 6,130 நாட்கள் பிரதமராக இருந்தார். அதனை அடுத்து இந்திரா காந்தி மற்றும் மன்மோகன் சிங் ஆகியோர் அதிக நாட்கள் பிரதமராக இருந்தனர்.

இந்த நிலையில் காங்கிரஸ் கட்சியை அல்லாதவர்களில் வாஜ்பாய் மட்டுமே 2272 நாட்கள் பிரதமராக இருந்து சாதனை செய்தார். இந்த நிலையில் தற்போது அந்த சாதனையை இன்றுடன் பிரதமர் நரேந்திர மோடி சமன் செய்துள்ளார். இன்னும் அவர் சுமார் நான்கு ஆண்டுகள் பிரதமராக இருக்க உள்ளார் என்பதால் நாளை முதல் நபர் காங்கிரஸ் அல்லாத பிரதமர்களில் அதிக நாட்கள் பிரதமராக இருந்தவர் என்ற பெருமையை பெறுகிறார் என்பது குறிப்பிடதக்கது.

இந்த தகவலை தனது சமூக வலைத்தளத்தில் பகிர்ந்துள்ள நடிகரும் பாஜக பிரமுகருமான எஸ்வி சேகர் ’வாழ்த்துக்கள் மோடி அவர்களே! நீங்கள் தான் 2024ஆம் ஆண்டிலும் பிரதமர்’ என்று குறிப்பிட்டுள்ளார். வழக்கம்போல் எஸ்வி சேகரின் இந்த பதிவிற்கும் ஆதரவு மற்றும் எதிர்ப்பு கமெண்டுக்கள் பதிவாகி வருகின்றன என்பது குறிப்பிடத்தக்கது.
 

Get Breaking News Alerts From IndiaGlitz