close
Choose your channels

‘సైరా’కు ‘సేనాని’తో పాటు.. ఆ ఇద్దరు స్టార్లు మాటసాయం!

Tuesday, August 20, 2019 • తెలుగు Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

‘సైరా’కు ‘సేనాని’తో పాటు.. ఆ ఇద్దరు స్టార్లు మాటసాయం!

స్వాతంత్ర్య స‌మ‌ర‌యోధుడు ఉయ్యాల‌వాడ న‌ర‌సింహారెడ్డి జీవిత క‌థ ఆధారంగా.. మెగాస్టార్ చిరంజీవి ప్రధాన పాత్రలో తెరకెక్కిన చిత్రం ‘సైరా న‌రసింహారెడ్డి’. సినిమాకు సంబంధించిన పలు అప్డేట్స్ ఇచ్చిన చిత్రబృందం. ఈ సినిమాకు చిరు సోదరుడు, జనసేన అధినేత పవన్ కల్యాణ్ వాయిస్ ఇచ్చారని సడన్ సర్‌ఫ్రైజ్ ఇచ్చిన విషయం విదితమే. అంతేకాదు ఆయన చెప్పిన డైలాగ్ రిలీజ్ చేయడంతో ఇటు మెగాభిమానులు.. అటు జనసేన కార్యకర్తలు ఫిదా అయిపోయారు.

అయితే ‘సైరా’కు జనసేనానితో పాటు మరో ఇద్దరు స్టార్స్ మాటసాయం చేశారని పెద్ద ఎత్తున వార్తలు వస్తున్నాయి. ఆ ఇద్దరూ మరెవరో కాదు.. తమిళ ఇండస్ట్రీలో సూపర్‌స్టార్‌గా ఎదిగిన రజనీకాంత్.. మళయాల స్టార్ మోహన్ లాల్ ఇద్దరూ వాయిస్ ఇచ్చారని విశ్వసనీయ వర్గాల సమాచారం. చిరంజీవి ప్రతిష్టాత్మకంగా తీసుకున్న ఈ చిత్రాన్ని ఎక్కడికో తీసుకెళ్లాలని భావించిన చిత్ర నిర్మాతలు చేయాల్సిన అన్ని ప్రయోగాలు చేసేశారు. టాలీవుడ్, కోలీవుడ్, బాలీవుడ్, మల్లూవుడ్ స్టార్లను కీలక పాత్రల్లో పెట్టుకోవడం.. సోదరుడి స్వరం తీసుకోవడం.. ఇలా అన్ని ప్రయత్నాలు చేసిన చిత్రబృందం చివరికి.. స్టార్ హీరోలైన రజనీకాంత్, మోహన్‌లాల్ మాట సాయం అందించడం మామూలు విషయం కాదు.

అంతేకాదు.. సైరాకు మీ వాయిస్ ఇవ్వాలి సార్ అని దర్శకనిర్మాతలు సంప్రదించగా.. మారు మాట చెప్పకుండానే రజనీ, మోహన్ లాల్ ఇద్దరూ డేట్స్ ఇచ్చేశారని తెలుస్తోంది. ఇవన్నీ అటుంచితే వాయిస్ ఇవ్వడానికి పైసా రెమ్యునరేషన్ కూడా తీసుకోలేదట. అయితే ఇది ఎంతవరకు నిజమో తెలియాలంటే ఇటు దర్శక నిర్మాతలు గానీ.. అటు చిరు లేదా.. రజనీ, మోహన్ లాల్ రియాక్ట్ అవ్వాల్సిందే మరి. ఇదే నిజమైతే మాత్రం మెగా ఫ్యాన్స్‌ ఆనందానికి హద్దులుండవని చెప్పుకోవచ్చు.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.