జనసేనలో ఆ ఇద్దరికీ కీలక బాధ్యతలు
- IndiaGlitz, [Thursday,March 21 2019]
జనసేనలో ఇప్పటికే పలువురికి కమిటీల పేరిట పదవులిచ్చిన ఆ పార్టీ అధినేత పవన్ కల్యాణ్.. తాజాగా మరో ఇద్దరికి కీలక బాధ్యతలు అప్పగించారు. అనకాపల్లి పార్లమెంటరీ జనసేన పార్టీ కార్యదర్శిగా వేగి దివాకర్‌ను నియమిస్తూ పవన్ కల్యాణ్ నిర్ణయించారు.
ఇప్పటి వరకూ ఈ పదవిలో చింతల పార్థసారధి ఉండగా.. ఆయన్ని అనకాపల్లి లోక్‌సభ అభ్యర్థిగా ఎంపిక చేయడంతో ఈ పదవికి రాజీనామా చేశారు. కాగా ఈ బాధ్యతలు తనకు అప్పగించినందుకు దివాకర్‌ ధన్యవాదాలు తెలిపారు.
టెక్కలిలో మార్పులు.. శ్రీకాకుళం జిల్లా టెక్కలి అసెంబ్లీ నియోజకవర్గం జనసేన ఇన్‌ఛార్జ్‌గా అట్టాడ శ్రీధర్‌ను నియమిస్తున్నట్లు పవన్ ఓ ప్రకటనలో తెలిపారు.