மீண்டும் காதல் களத்தில் இறங்கும் டி.ராஜேந்தர்
- IndiaGlitz, [Tuesday,July 10 2018]
ஒரு காலத்தில் டி.ராஜேந்தர் படம் என்றாலே படம் முழுக்க முழுக்க காதல் ரசம் சொட்ட சொட்ட இருக்கும். அன்றைய இளைஞர்களுக்கு டி.ராஜேந்தர் படம் என்றாலே காதலின் புனிதத்தையும் காதலின் சோகத்தையும் கூறும் படம் என்பது தெரியும். குறிப்பாக ஒருதலை ராகம், ராகம் தேடும் பல்லவி, ரயில் பயணங்களில், மைதிலி என்னை காதலி ஆகியவை காதலை சோக வடிவில் காட்டி வெற்றி பெற்ற படங்கள் ஆகும்.
இந்த நிலையில் மீண்டும் காதல் களத்தில் இறங்க டி.ராஜேந்தர் முடிவு செய்துள்ளார். இன்றைய காதலுக்கு ஏற்ற வகையில் 'இன்றைய காதல்டா' என்ற படத்தை இயக்க டி.ராஜேந்தர் களமிறங்கியுள்ளார். இந்த படம் தமிழ், தெலுங்கு மற்றும் இந்தி ஆகிய மூன்று மொழிகளில் தயாராகவுள்ளது.
முழுக்க முழுக்க இளமை சொட்டும் காதல் கதை என்றும், இன்றைய காலக்கட்டத்திற்கு ஏற்ற கதை என்றும், காதல் காதல் காதலை தவிர வேற ஒன்றும் இல்லை என்றும் இந்த படம் குறித்த விளம்பரம் வெளிவந்துள்ளது வழக்கம்போல் கதை, திரைக்கதை, வசனம், பாடல்கள், இசை, ஒளிப்பதிவு மேற்பார்வை மற்றும் இயக்கம் டி.ராஜேந்தர் என்று அறிவிக்கப்பட்டுள்ளது. இந்த படத்தில் சிம்பு நடிப்பாரா? என்பதை பொறுத்திருந்து பார்ப்போம்