గుణశేఖర్ 'హిరణ్యకశిప' అప్ డేట్
- IndiaGlitz, [Tuesday,November 06 2018]
దర్శకుడు గుణ శేఖర్ రానా అనుష్కలతో చేసిన 'రుద్రమదేవి' చిత్రం తర్వాత 'హిరణ్యకశిప' చిత్రం చేయనున్నట్లు ప్రకటించిన విషయం తెలిసిందే. తన డ్రీమ్ ప్రాజెక్ట్ అని చెప్పిన గుణ శేఖర్ రానా దగ్గుబాటితో చేయనున్నట్లు ప్రకటించాడు. కానీ ఇప్పటి వరకు ఈ ప్రాజెక్ట్ కు సంబంధించి ఎటువంటి అప్ డేట్స్ లేవు. దింతో గుణ శేఖర్ 'హిరణ్యకశిప' చిత్రం అటకెక్కినట్లేనని అంతా భావించారు.
అయితే ఇప్పుడు ఈ సినిమా గురించి రానా తండ్రి సురేష్ బాబు ఓ అప్ డేట్ ఇచ్చాడు. ప్రస్తుతం దర్శక నటుడు రవిబాబు దర్శకత్వంలో తెరకెక్కిన 'అదుగో' చిత్రం సురేష్ బాబు నిర్మించిన విషయం తెలిసిందే.ఈ చిత్రానికి సంబంధించిన ప్రెస్ మీట్ లో గుణ శేఖర్ రానా ల 'హిరణ్యకశిప ' గురించి అడగగా పలు ఆసక్తికర విషయాలు వెల్లడించారు.
ఈ చిత్రం కోసం గుణశేఖర్ ఆఫీస్ లో ఇక్కడ రామానాయుడు స్టూడియోలో , అటు లండన్ స్టూడియోలో వర్క్ జరుగుతోంది. ఈ చిత్రాన్ని వరల్డ్ వైడ్ స్టాండర్డ్స్ లో పలు బాషలలో తెరకెక్కించాలని ప్లాన్ చేస్తున్నాం. అందుకోసమే చాలా మంది ఈ చిత్రం స్క్రిప్ట్ వర్క్ కోసం పని చేస్తున్నారు.
దీనికి రానానే నటుడు నిర్మాత. రానా కు కామిక్స్ అంటే ఎంతో ఆసక్తి అందుకే ఈ తరహా సినిమాలు చేయడానికి రానా ఎక్కువగా ఇష్టపడుతూంటాడని, విఎఫ్ఎక్స్ ప్రధానంగా ఉండే ఈ చిత్రం ఇంటర్నేషనల్ స్థాయిలో తెరకెక్కనుందని సురేష్ బాబు చెప్పుకొచ్చాడు. సో...గుణశేఖర్ రానాల కాంబినేషన్ లో 'హిరణ్యకశిప' సినిమా కచ్చితంగా రానున్నట్లు కన్ఫర్మ్ అయినట్లే.