இயக்குனர் சிகரத்திற்கு சிலை எடுக்கும் பிரபல கவிஞர்
- IndiaGlitz, [Monday,June 12 2017]
இயக்குனர் சிகரம் கே.பாலசந்தரின் பள்ளியில் இருந்து வந்தவர்கள் தான் இன்று முன்னணியில் இருக்கும் பல நட்சத்திரங்கள். கமல், ரஜினி, விவேக், பிரகாஷ்ராஜ், உள்பட பலருக்கு இன்னமும் அவர்தான் மானசீக குரு
இந்த நிலையில் இயக்குனர் சிகரம் கே.பாலசந்தரின் பல படங்களுக்கு பாட்டெழுதிய கவியரசு வைரமுத்து அவருக்காக சிலை வைக்க திட்டமிட்டுள்ளார். பாலசந்தரின் மகள் புஷ்பா கந்தசுவாமியின் அனுமதியுடன் இந்த சிலையை பாலசந்தர் சிறுவயதில் வாழ்ந்த திருவாரூரில் உள்ள அவரது பூர்வீக வீட்டில் வைக்கப்படவுள்ளது.
வரும் ஜூலை 9ஆம் தேதி நடைபெறும் இந்த சிலை திறப்பு விழாவில் கமல், ரஜினி, விவேக், பாரதிராஜா, மணிரத்னம் உள்பட பலரும் கலந்து கொள்ளவுள்ளதாக வைரமுத்துப் பேரவை நிர்வாகி ஒருவர் தெரிவித்துள்ளார்.