‘ఉప్పెన’ సినిమా లాక్‌డౌన్ తరువాత.. 100 శాతం ఆక్యుపెన్సీకి ప్రభుత్వం అవకాశం ఇచ్చిన అనంతరం విడుదలైన సినిమా. ఏ ముహూర్తాన ఈ సినిమాకు దర్శకుడు బుచ్చిబాబు ‘ఉప్పెన’ అనే టైటిల్ ఫిక్స్ చేశారో కానీ ఈ సినిమా నిజంగా ఉప్పెనలాగే వసూళ్లను సాధించింది. ఈ సినిమాలో హీరోహీరోయిన్లకు అవకాశాలు వెల్లువలా వస్తున్నాయి. ఇక తాజాగా ఈ సినిమా హీరో వైష్ణవ్ మరో అవకాశాన్ని చేజిక్కించుకున్నట్టు టాక్ నడుస్తోంది. అయితే ఈ సినిమాను నేచురల్ స్టార్ నాని రిజెక్ట్ చేయడంతో వైష్ణవ్‌కు అవకాశం దక్కిందని తెలుస్తోంది.

ఒకప్పటిలా కాదు.. సీన్ మారిందిప్పుడు. గతంలో ఒక హీరోను అనుకుని కథ రాస్తే.. ఒకవేళ దానిని సదరు హీరో రిజెక్ట్ చేస్తే ఆ ప్రాజెక్ట్ అటకెక్కేది. ఇప్పుడు అలా కాదు.. మరో హీరోకు కథను వినిపించి దర్శకనిర్మాతలు ఓకే చేసుకుంటున్నారు. అలా నాని రిజెక్ట్ చేసిన ఓ కథను హీరో వైష్ణవ్‌ తేజ్‌ అంగీకరించినట్టు తెలుస్తోంది. తాజాగా నిర్మాత భోగవల్లి ప్రసాద్‌ కొత్త దర్శకుడితో ఓ చిత్రాన్ని ప్లాన్‌ చేస్తున్నారని సమాచారం. యాక్షన్‌ ఓరియెంటెడ్‌గా ఈ సినిమా తెరకెక్కనున్నట్టు సమాచారం.

అయితే నాని ఈ కథను రిజెక్ట్‌ చేశాడట. వైష్ణవ్ ‘ఉప్పెన’తో మంచి పేరు తెచ్చుకుని ఉండటంతో వెంటనే ఈ స్టోరీని ఆయనకు దర్శకుడు వినిపించినట్టు సమాచారం. వెంటనే వైష్ణవ్ గ్రీన్ సిగ్నల్ ఇచ్చేశాడట. త్వరలోనే ఇది పట్టాలెక్కనున్నట్లు సమాచారం. ఇప్పటికే డైరెక్టర్‌ క్రిష్‌ దర్శకత్వంలో తెరకెక్కిన ‘జంగిల్‌ బుక్’‌ సినిమాను వైష్ణవ్ పూర్తి చేశాడు. తరువాత అన్నపూర్ణ బ్యానర్‌లో ఓ చిత్రం.. దాని తర్వాత భోగవల్లి ప్రసాద్‌ బ్యానర్‌లో తెరకెక్కించే చిత్రాల్లో నటించనున్నాడు. మరి నాని రిజెక్ట్ చేసిన సినిమా వైష్ణవ్‌కు ఎంత మేర కలిసొస్తుందో చూడాలి.