பிரபல பாலிவுட் நடிகர் ஷாகித் கபூருடன் இணைந்து விஜய் சேதுபதி நடித்த ’பார்சி’ என்ற வெப் தொடர் சமீபத்தில் வெளியாகி மிகப்பெரிய வரவேற்பை பெற்ற நிலையில் தற்போது விஜய் சேதுபதி தமிழில் ஒரு வெப் தொடரில் நடிக்க உள்ளார். இந்த வெப் தொடர்பான பூஜை நேற்று நடைபெற்ற நிலையில் அது குறித்த புகைப்படங்கள் இணையதளங்களில் வைரலாகின்றன.

சிறந்த குழந்தைகளுக்கான படம் என்ற தேசிய விருது பெற்ற ’காக்கா முட்டை’ படத்தின் இயக்குனர் மணிகண்டன் தான் இந்த வெப் தொடரை இயக்க உள்ளார். இவர் ஏற்கனவே விஜய் சேதுபதி சிறப்பு தோற்றத்தில் நடித்த ’கடைசி விவசாயி’ என்ற படத்தை இயக்கி உள்ளார் என்பதும் இந்த படமும் நல்ல வெற்றி பெற்றது என்பது குறிப்பிடத்தக்கது.

இந்த நிலையில் மணிகண்டன் மற்றும் விஜய் சேதுபதி இருவரும் இணையும் இந்த வெப் தொடருக்கு ராஜேஷ் முருகேசன் என்பவர் இசையமைக்கிறார். இவர் அல்போன்ஸ் புத்திரன் இயக்கிய ‘நேரம்’, ‘பிரேமம்’ மற்றும் ‘கோல்ட்’ உள்பட பல படங்களுக்கு இசையமைத்தவர் என்பது குறிப்பிடத்தக்கது

மேலும் இந்த படத்தில் பணிபுரியும் நட்சத்திரங்கள் மற்றும் தொழில்நுட்ப கலைஞர்கள் குறித்த அறிவிப்பு விரைவில் வெளியாகும் என்று எதிர்பார்க்கப்படுகிறது. இந்த தொடர் ஹாட்ஸ்டாரில் விரைவில் வெளியாகும்.