கோலிவுட் திரையுலகில் இசையமைப்பாளர் நடிகர் ஆவதும், நடிகர் இசையமைப்பாளர் ஆவது, ஒளிப்பதிவாளர் இயக்குனர் ஆவதும் இயக்குனர் தயாரிப்பாளர் ஆவதுமான நிகழ்வுகள் அவ்வப்போது நடந்து கொண்டிருக்கின்றது. அந்த வகையில் தற்போது பாடகர் ஒருவர் இசையமைப்பாளர் ஆகியுள்ளார்.

பிரபல பாடகரும் நடிகை சங்கீதாவின் கணவருமான கிரிஷ் தற்போது இசையமைப்பாளர் ஆகியுள்ளார். 'கதாநாயகன்' படத்திற்கு பின்னர் விஷ்ணு விஷால் நடிக்கவுள்ள அடுத்த படத்திற்கு கிரிஷ் இசையமைக்க ஒப்பந்தமாகியிருப்பதாக செய்திகள் வெளிவந்துள்ளது. இன்னும் டைட்டில் வைக்கப்படாத இந்த படத்தை அறிமுக இயக்குனர் வெங்கடேஷ் இயக்கவுள்ளார்.

ஏற்கனவே பாடகர் கிரிஷ் ஒருசில படங்களில் கெளரவ வேடத்தில் நடித்துள்ளார் என்பது குறிப்பிடத்தக்கது. பாடகர், நடிகரை அடுத்து இசையமைப்பாளர் அவதாரம் எடுக்கும் கிரிஷுக்கு நமது வாழ்த்துக்கள்