சர்கார்' படத்தில் விஜய்யுடன் நடித்த 100 ரசிகர் மன்ற நிர்வாகிகள்
- IndiaGlitz, [Saturday,October 27 2018]
தளபதி விஜய் நடித்த 'சர்கார்' படத்தின் கதை குறித்து ஒருபக்கம் சர்ச்சைக்குரிய கருத்துக்கள் பரவி வந்தாலும் இன்னொரு பக்கம் இந்த படத்தின் எதிர்பார்ப்பு சிறிதளவும் குறையாமல் படத்தை வரவேற்க விஜய் ரசிகர்கள் தயார் நிலையில் உள்ளனர்.
இந்த நிலையில் சர்கார் படத்தின் இடம்பெற்றுள்ள ஒரு அரசியல் மாநாடு காட்சியில் சுமார் 100 விஜய் மக்கள் மன்றத்தின் நிர்வாகிகள் நடித்துள்ளதாக செய்திகள் வெளிவந்துள்ளது. தனது ரசிகர்களுக்கு விஜய் மனதில் மட்டுமின்றி படத்திலும் இடம் கொடுத்துள்ளதை அனைவரும் பாராட்டி வருகின்றனர்.
வரும் தீபாவளி திருநாளான நவம்பர் 6ஆம் தேதி தமிழ், தெலுங்கு என இரண்டு மொழிகளிலும் உலகம் முழுவதும் பிரமாண்டமாக வெளிவரவுள்ள 'சர்கார்' திரைப்படம் மிகப்பெரிய ஓப்பனிங் வசூலை தரும் என்று எதிர்பார்க்கப்படுகிறது.