சுசீந்திரன் இயககத்தில் அறிமுக நாயகன் ரோஷன் நடித்த 'ஜீனியஸ்' திரைப்படம் இன்று திரையரங்குகளில் வெளியாகியுள்ளது. இந்த நிலையில் இந்த படத்தின் கதையை விஜய், ஜெயம் ரவி உள்பட ஒருசில பெரிய நடிகர்களிடம் தான் கூறியதாகவும், அதன்பின்னர் ஒருசில காரணங்களால் அவர்கள் நடிக்கவில்லை என்றும் சுசீந்திரன் கூறியுள்ளார்.

தளபதி விஜய் இந்த கதையை கேட்டதும் கதை நன்றாக உள்ளது, நல்ல சமூக கருத்துக்களும் உள்ளது. ஆனால் தான் மனநிலை சரியில்லாதவராக நடிப்பதை தனது ரசிகர்கள் விரும்ப மாட்டார்கள் என்றும், தற்போதைக்கு ஆக்சன், காமெடி கலந்த கமர்ஷியல் படங்களில் மட்டுமே கவனம் செலுத்தி வருவதாக கூறியதாகவும் சுசீந்திரன் தெரிவித்துள்ளார்.

அதேபோல் 'ஜீனியஸ்' கதையை ஜெயம் ரவி, அல்லு அர்ஜூன் உள்ளிட்டோர்களிடம் கூறியதாகவும் அவர்களும் வேறு சில காரணங்களால் இந்த படத்தில் கமிட் ஆகாததால் இறுதியில் புதுமுகமான ரோஷனை தேர்வு செய்ததாகவும் சுசீந்திரன் தெரிவித்துள்ளார்.