அஜித் நடித்த ‘வரலாறு’ உள்பட பல தமிழ், மலையாளம் திரைப்படங்களில் நடித்தவர் நடிகை கனிகா. இவர் நடிகையாக மட்டுமின்றி ‘சச்சின்’, ‘அன்னியன்’, ‘சிவாஜி’ போன்ற படங்களின் நாயகிகளுக்கு டப்பிங் குரலும் கொடுத்துள்ளார்.

இந்த நிலையில் கடந்த 2008ஆம் ஆண்டு அமெரிக்க சாப்ட்வேர் எஞ்சினியரை திருமணம் செய்து கொண்ட இவருக்கு ஒரு மகன் உள்ளார். திருமணத்திற்கு பின்னர் நடிப்பதை குறைத்துவிட்டாலும், அவ்வப்போது தனது சமூக வலைத்தள பக்கத்தில் ஒர்க் அவுட் செய்யும் வீடியோக்களை வெளியிட்டு பரபரப்பை ஏற்படுத்தி வருவார்.

இந்த நிலையில் தற்போது ஐஸ் பக்கெட் சேலஞ்ச் போலவே ‘கப்புள் வொர்க் அவுட் சேலஞ்ச்’ உலகம் முழுவதும் வைரலாகி வரும் நிலையில் கனிகா தனது கணவருடன் இணைந்து இந்த சேலஞ்சை செய்துள்ள வீடியோ சமூக வலைத்தளங்களில் வைரலாகி வருகிறது.

நடிகை கனிகா தற்போது விஜய்சேதுபதி நடித்து வரும் பெயரிடப்படாத படம் ஒன்றில் முக்கிய கேரக்டர் ஒன்றில் நடித்து வருகிறார் என்பது குறிப்பிடத்தக்கது.