விஷால் நடித்த 'துப்பறிவாளன்' படத்திற்கு பின்னர் மிஷ்கின் இயக்கும் அடுத்த படத்தில் உதயநிதி ஸ்டாலின் நடிக்கவுள்ளார் என்பது தெரிந்ததே. இந்த படத்தின் ஆரம்பகட்ட பணிகள் தொடங்கியுள்ள நிலையில் தற்போது இந்த படத்தின் நாயகி ஒப்பந்தம் செய்யபப்ட்டுள்ளார்.

மணிரத்னம் இயக்கிய 'காற்று வெளியிடை' படத்தின் நாயகியும் தற்போது அவர் இயக்கியுள்ள 'செக்க சிவந்த வானம்' படத்தில் முக்கிய கேரக்டரில் நடித்தவருமான அதிதிராவ் ஹைத்தி தான் மிஷ்கின் இயக்கும் அடுத்த படத்தில் உதயநிதிக்கு ஜோடியாக நடிக்கவுள்ளார். உதயநிதி,அதிதி இருவரும் இணைந்து நடிப்பது இதுதான் முதல் முறை என்பது குறிப்பிடத்தக்கது.

அதேபோல் மிஷ்கின் படத்திற்கு முதல்முறையாக ஒளிப்பதிவு செய்கிறார் பிரபல ஒளிப்பதிவாளர் பி.சி.ஸ்ரீராம். இவரும் மணிரத்னம் இயக்கிய 'ஓகே கண்மணி' உள்ளிட்ட ஒருசில படங்களை இயக்கியவர் என்பது குறிப்பிடத்தக்கது.