அக்கா - தங்கை போல் இருக்கும் அனுபமா பரமேஸ்வரனும் அவர் அம்மாவும்.. வைரல் புகைப்படங்கள்..!
- IndiaGlitz, [Tuesday,April 04 2023]
தமிழ் மலையாள திரையுலகின் நடிகைகளில் ஒருவரான அனுபமா பரமேஸ்வரன் தனது அம்மாவுடன் இருக்கும் புகைப்படங்களை இன்ஸ்டாகிராமில் பகிர்ந்து உள்ள நிலையில் அம்மா - மகள் போல் இல்லை, அக்கா தங்கை போல் இருக்கிறது என ரசிகர்கள் கமெண்ட்களை பகிர்ந்து வருகின்றனர்.
இயக்குனர் அல்போன்ஸ் புத்திரன் இயக்கிய ’பிரேமம்’ என்ற மலையாள திரைப்படத்தின் மூலம் நடிகையாக அறிமுகமானவர் அனுபமா பரமேஸ்வரன். இதனை அடுத்து அவர் தனுஷ் நடித்த ’கொடி’ அதர்வா நடித்த ’தள்ளி போகாதே’ உள்பட ஒரு சில தமிழ் படங்களிலும் பல மலையாள தெலுங்கு கன்னட படங்களில் நடித்திருந்தார் என்பது குறிப்பிடத்தக்கது. தற்போது அவர் ’சைரன்’ என்ற தமிழ் படத்தில் நடித்து வருகிறார் என்பதும் இந்த படத்தின் படப்பிடிப்பு விறுவிறுப்பாக நடைபெற்று வருகிறது.
இந்த நிலையில் நடிகை அனுபமா பரமேஸ்வரன் இன்ஸ்டாகிராமில் 13 மில்லியனுக்கும் அதிகமான ஃபாலோயர்களை வைத்துள்ளார் என்றும் அவரது ஒவ்வொரு போட்டோஷூட் புகைப்படங்கள் வைரல் ஆகும் என்பது தெரிந்ததே. அந்த வகையில் சமீபத்தில் தனது அம்மாவுக்கு பிறந்தநாள் வாழ்த்து கூறி அம்மாவை கட்டி அணைத்தபடி இருக்கும் புகைப்படங்களை பகிர்ந்து உள்ள நிலையில் அனுபமாவின் அம்மாவுக்கு ரசிகர்கள் பிறந்தநாள் வாழ்த்துக்களை தெரிவித்து வருகின்றனர். மேலும் இருவரையும் பார்க்கும்போது அம்மா - மகள் போலவே இல்லை, அக்கா - தங்கை போலிருக்கிறது என்று ரசிகர்கள் கமெண்ட்ஸ் அளித்து வருகின்றனர்.