குக் வித் கோமாளி நிகழ்ச்சியின் மூலம் பிரபலமான அஸ்வின் நடித்த ’என்ன சொல்ல போகிறாய்’ படத்தின் படப்பிடிப்பு சமீபத்தில் முடிந்த நிலையில் இந்த படத்தின் டீசர் சற்று முன் வெளியாகி உள்ளது.

இந்த டீசர் அஸ்வினின் குரலுடன் தொடங்குகிறது. காதல்! வாழ்க்கையில் காதல் செய்யாதவர்கள் யாருமே இருக்க முடியாது. எல்லாருக்குள்ளும் ஒரு காதல் கதை இருக்கும். எல்லா கதைக்கும் ஒரு தொடக்கம் இருக்கும். ஆனால் நம்ம கதை, காதல் கதை நாம நினைச்ச மாதிரி தொடங்கனும்ன்னு அவசியம் இல்லை, நாம நினைச்ச மாதிரி முடியவேண்டும் என்றும் அவசியம் இல்லை என்று வசனத்துடன் டீசர் முடிகிறது.

மேலும் இந்த டீசரில் உள்ள பாடல் வரிகள் மனதை கவரும் வகையில் உள்ளது. அந்த வரிகள் இதோ:

வந்தாய் ஒரு நொடியில் விழியிலே
தந்தாய் ஒரு புயலை நொடியிலே
கொட்டும் மழைத்துளியின் நடுவிலே
கொல்லும் உனதழகில் உறுதியே

விவேக் மெர்வின் இசையில், ஹரிஹரன் இயக்கத்தில் உருவாகியுள்ள இந்த திரைப்படத்தில் அஸ்வின், அவந்திகா மிஸ்ரா, தேஜூ அஸ்வினி, புகழ் உள்ளிட்ட பலர் நடித்துள்ளனர். இந்த படத்தை டிரைடன்ஸ் நிறுவனம் தயாரித்துள்ளது என்பது குறிப்பிடத்தக்கது.